Latest News

Sinlung Hills Council-a sawrkar lailawk lakluh a ni

Sinlung Hills Council (SHC) sawrkar lailawk (interim) chu thla ruk (6) chhung atan nimin chawhma dar 10:00 khan Aizawl District Bawrh-sap, Dr. A. Muthamma chuan a Office Chamber ah a rinawmna tiam tirin a lalut a, Sawrkar in a ruat Member 2 te nen mi 14 lakluh an ni.
Nimin a SHC sawrkar thar lakluhna hunah hian SHC-a Chief Executive Member (CEM), Executive Member (EM) leh Member thar tur te bakah Chairman leh Deputy Chairman ten rinawmna thu an tiam a. Mizoram Sawrkar leh HPC (D) inbiak laia Spokeperson, Lal\halien chu CEM atan lakluh niin, LT. Hmar, Inbiakna neih laia HPC (D) Working Chairman chu Chairman atan lakluh a ni a. Lalbiengnung, inbiak laia HPC (D) Army Chief chu Deputy Chairman a tan lakluh a ni bawk.
Heng mite bakah hian SHC-a Executive Member atan mi 4- Darliensang Ralsun, JC. Zairemkunga, Lalthlamuana Hmar leh  Melody Lalchhuangzeli te lakluh an ni a. Council Member atan Rohringa Hmar, Lalrinsanga Ralte,  Benjamin, B. Lal\hachhunga, Lalremruata te bakah sawrkar ruat mi 2- Lalmalsawma Darngawn leh Lalrammuanpuia te lakluh an ni bawk.
Sinlung Hills Council sawrkar thar lak-luhna neih a nih hnu hian Chief Executive Member thar, Lal\halien chuan chuan Sinlung Hills Council hmingin Council Member te leh duh-saktute chibai bukin, ram leh hnam hmasawnna atana remna a awm thei chu lawmawm a tih thu a sawi a. Sinlung Hills Council chu thil \ha tak, Pathian in Hmar unaute bakah SHC mipui zawng zawng a pek a nih thu sawiin, inunauna, inpum-khatna, insuikhawmna \ha zawk leh inrmena tluantling awm theih nana sawrkar hmalakna chu lawmawm a tih thu a sawi a. SHC din thar tak chu mipuite tana hmasawnna leh \hatna thlentu a nih ngei theihna tura thawhpuiah mipui a sawm nghal bawk.

Comments

Popular News (Last 30 Days)