Latest News

Union Home Minister hova NEC Meeting neih ah Mizoram a\angin Governor leh Chief Minister an tel

North Eastern Council (NEC) Meeting vawi 67-na chu nimin khan Shillong State Convention Centre-ah neih a ni a. He hun hi Union Home Minister, Rajnath Singh chuan kaihruaiin Union Minister of State for DoNER, Dr. Jitendra Singh leh India Hmarchhak state Governor leh Chief Minister-te pawh he hunah hian an tel a ni.

North Eastern Council (NEC) Meeting vawi 67-na nimin a neih \an ah hian Mizoram a\angin Mizoram Governor, Kummanam Rajasekharan leh Chief Minister, Lal Thanhawla te pawh telin Mizoram Governor, Kummanam Rajasekharan chuan North Eastern Council (NEC) tihchak zel a \ul thu leh, tunhnaia NEC chu hmasawnnaScheme hrang hrang kalpui bakah buaina chinfel kawngah te, Development Planning lamah leh thiamna hmunpui, ‘knowledge hub’ atana Council a ruat a ni tel chuan chak zawka hmasawnna a thlen phah ngei a beisei thu a sawi a. India hmarchhak a awmze nei zawka hnathawk thei tura sum leh pai leh thawktu \ha a thuam a pawimawh thu sawiin, Union Home Minister kaihhruaina hnuaiah mumal zawk leh chak zawka NEC a kal theih a beisei thu a sawi bawk.
He hunah hian Chief Minister, Lal Thanhawla pawhin he hunah hian thu sawiin, NEC chu dinhmun pawimawh zawk leh chak zawka dah a \ul thu leh, India Hmarchhak state te chu 'New Growth Centre' a siam tur chuan sum tih tham zawk leh hnathawktu \ha zawk an mamawh thu a sawi a. Kum 2017-18 a\anga 2019-20 chhunga India hmarchhak state zawng zawng tan NEC Scheme atana cheng vbc. 4500 dah a ni chuan project kalpui mek te a huam tel avangin hemi hun chhung hian project thar hlak siamna tur a daih dawnloh avangin NEC a sum dah zat chu tihpun ngei a duh thu a thlen a. NEC in Mizoram New Economic Development Policy (NEDP) chu \ha a tih avanga State dang zawng zawng hetiang ang duang ve tura a ti chu lawmawm a tih thu a sawi bawk. Chief Minister, Lal Thanhawla chuan Act East Policy a taka chantir tur chuan North East state-te policy duanna leh a taka thawhna turah an tel ngei ngai a tih thu pawh he hunah hian a sawi a, Act East Policy hlawhtlinna tur chuan India hmarchhak state-te a development policy kalpui hmasak a \ul thu pawh sawiin, a bik takin inkalpawhna kawng \ha siam a pawimawh hmasak thu a thlen bawk.
Tun \um NEC Meeting-ah hian thu pawimawh tak tak an ngaihtuah zingah March 2020 thlenga NEC scheme kalpui chhunzawm chungchang te, NEC inkaihhruaina \henkhat ennawn te, Aspirational District 14-a hmalakna te, kum 2011-a kuthnathawktute sum lakluh a let-a tipung tura hmalakna chungchang leh thu pawimawh dang a tel a ni.
North Eastern Council (NEC) hi kum 1971 khan Sawrkar laipui chuan dinin, India hmarchhak State- Arunachal Pradesh, Assam, Manipur, Meghalaya, Mizoram, Nagaland, Sikkim leh Tripura te tihmasawn tura hmalakna hrang hrang ah Nodal Agency a ni a, Shillong-ah hmunpui neiin North East Region tan chuan tun \uma NEC Meeting hi Statutory Regional Planning Body anga \hutkhawm vawi 18-na a ni tel nghal bawk a ni.
Union Cabinet chuan thla hmasa khan Union Home Minister chu NEC Ex-Officio Chairman ah ruat in, Minister for Development of North Eastern Region (DoNER) chu Vice Chairman in dah a ni bawk.
NEC Plenary-ah hian North East State a Chief Secretary te leh Planning Secretary te an tel hlawm a. Mizoram a\ang pawhin Planning Secretary, Dr.C. Vanlalramsanga leh Official dang an tel a. He Meeting hi nimin a neih a nih hnuah Vawiin hian chhunzawm lehin zawh-fel tura ruahman a ni.

Comments

Popular News (Last 30 Days)