Khawlailung-ah YMA Branch dincham lawm

Khawlailung Dinthar Branch YMA chuan nimin khan an dincham-phaphak vawikhatna an lawm a, he hun hi Bialtu MLA, Vanlalawmpuii Chawngthu, Minister of State chuan khuallian niin a hmanpui.

Khawlailung Dinthar Middle School Hall-a Khawlailung Dinthar Branch YMA dincham lawmna ah hian bialtu MLA, Vanlalawmpuii Chawngrhu chuan Khawlailung-a YMA din anih a\anga Branch pathum tling thei khawpa lo kaihruaitu, hruaitu hmasa zawng zawngte zahna chibai bukin, YMA chu khawtlang-a pawl dang zawng zawng lenna bawm, kan zavaia unau anga kan inen tlanna pawl anih avangin YMA hi kan ram rohlu a ni, a ti a. “YMA in kan ram a \hat reng theihna atana a hnathawh te, kan hnam a din ngheh theih nana a hmalakna te hi a ropui hle a, YMA hi kawng tinreng ah ramin a chhawr a ni,” a ti.

Fisheries Minister ni bawk, Vanlalawmpuii Chawngthu chuan ram hmasawn leh \hang chak ni tur te, ram rorelna \ha nei tur te in mipui \ha kan nih ve a ngai tih pawh sawiin, thil fello ti tura Minister leh MLA te nawr ngai lo, \anpuina kan dawn te a nihna taka hmang \hin, Biak In-ah chauh nilo nitin nuna Kristianna tilang \hin mi nih tum tlat turin he huna kalkhawm mipuite a chah a. Hriselna leh nun kawng thianghlimna lama hmasawn a \ul thu sawiin, zu leh ruihhlo laka fihlim, mahni tawka khawtlang leh ram tana mi \angkai tak nih tum \heuh turin a ngen a, “Chutiang mi kan nih phawt chuan mahni zawnah YMA Motto te hi kan puitlin thei dawn a ni,” a ti bawk.

Khawlailung Dinthar Branch YMA din cham vawikhatna lawmna hi hun hnihah \hen niin hun khatna hi Branch YMA President, Lalsangliana chuan a kaihruai a, Branch Secretary Report te, YMA kumpuan thupui Tuichangral South Group aiawh a\anga sawi te, Khawlailung YMA hruaitu hluite thusawi te ngaihthlak a ni bawk a. Hun hnihnaah member Group hrang hrang in\hen ten Lengkhawm zai inelna neiin, Lalnunngila, ACF, N. Vanlaiphai Division, Environment, Forest & Climate Change Department chuan Awareness Campaign a neiin, tlai lamah ruai a kilho nghal a ni.

Khawlailung ah hian hun rei tak chu YMA hi Branch khatin kalpui \hin a ni a. Nikum YMA Day a\ang khan Branch pathum- Dinthar, Khawlailung leh Bunghmun Branch-ah te an in\hen a. Tunah hian Dinthar Branch bikah hian member 260 an awm mek a ni.

Nimin vek khan Khawlailung Bunghmun Branch YMA pawhin an dinchampha vawikhatna hi YMA Run-ah an lawm bawk a, he hun hi Serchhip Sub-Hqrs. YMA Asst. Secretary, PC. Vanlalluna leh SEC Member \henkhat ten an hmanpui bawk a ni.