Thursday, 19 July 2018

India Ambassador in Larsap leh CM te a kawm

Afghanistan-a India Ambassador, Vinay Kumar, IFS chuan ni li (4) cham turin Mizoram a rawn tlawh mek a, niminpiah tlai khan Mizoram Larsap kawmin hemi zan hian Chief Minister a kawm bawk.
Afghanistan-a India Ambassador, Vinay Kumar, IFS hian niminpiah tlai Mizoram Governor, Kummanam Rajasekharan chu Raj Bhavan-ah hmuin, Mizoram leh a \henawm ramte thawhho theih dan turte an sawidun a. Mizoram enkawl tura thlangtu, Ambassador of India to Afghanistan, Vinay Kumar chuan IFS officer-te chu Prime Minister hmalaknaa an State thlanchhuah inrelbawl dan chu zirchiang tur leh an \henawm ramte nena inlaichinna zir tura tirh an nih thu sawiin, Act East Policy nen pawh a inzulzui tih a sawi a. He scheme kaltlang hian an ram thlante Trade, Commerce, Tourism, Education leh thil dangah te chawikan tum a nih tur thu a sawi a. Hmarchhak bial chinchang hrechiang, state sawrkar aiawhte nena thawhho chu a duh thu sawiin, Asia khawmualpui ramte nena inlaichinna \ha tak neih chu thil pawimawh tak a ni a ti bawk.
India Ambassador, Vinay Kumar hian nizan hmasa khan Chief Minister, Lal Thanhawla pawh Chief Minister Bungalow-ah kawmin Mizoram inrelbawl dan leh \henawm ramte nena inlaichinna zir tura lo kal a nih thu a sawi a. Chief Minister nen hian Act East Policy hlawhtlinna atan pawimawh tak – Kaladan Multi Modal Project hmalakna leh a dinhmun te an sawidun a. Chief Minister chuan IFS officer-te State hrang hrang zirchiang tura tirh an ni chu lawmawm a tih thu sawiin, a bik takin administrator ten India hmarchhak an hriatchian pawimawh a tih thu a sawi a. Mizo \halaite zirna kawnga hmasawnna atan foreign University te nen inkungkaihna \ha neih a \ul thu te an sawi bawk.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018