Mizoram-a School-ah te zirtirtu indaihloh chhan zirtirtu inkhairual loh vangah MZP in an ngai

Mizo Zirlai Pawl (MZP) chuan Mizoram-a School-ah te zirtirtu indaihloh chhan chu zirtirtu inkhairual loh vang nia ngaiin, zirtirtu semrual chungchangah thuneitute leh sawkara thiltitheite inrawl lo tur leh harsatna siam lo turin an ngenin an hriattir.

Inrinni chhun khan MZP General Hqrs. President, L. Ramdinliana Renthlei leh a thawhpuite chuan Aizawl Press Club-ah thuthar thehdarhtute kawmin Mizorama sawrkar enkawl zirna In hrang hranga Primary School-ah zirtirtu 8510, Middle School-ah 10,206, High School-ah 4513, Higher Secondary School-ah 1661 an awm tih an sawi a. Heti zozai zirtirtu awm chung si hian zirtirtu indaihlohna a awm reng tho chu zirtirtu tlem vang ni lovin, inkhairual loh vang anih thu an sawi a. Zirtirtu indaihlohna School hi a bikin thingtlang khua ah a nasa bik niin MZP chuan a hriain, Mizoram a zirlai \hahnem takin an tuar nasa hle a, khawpui leh thingtlang lam zirlaiten zirna dinhmun in ang tlang leh in tluktlang taka zirna \ha an dawn theih hi MZP chuan a duh tih an sawi a. Zirtirtu awmsa semrual chungchang hi Education Minister leh Chief Minister te pawh an lo sawipui tawhin ziakin ngenna an thehlut tawh tih sawiin, chak lehzuala zirtirtu sem rual hi kalpui turin thuneitute an ngen nawn leh a, Zirtirtu awm sa sem rual chungchangah hian thuneitute leh sawkara thiltitheite inrawlh lo tur leh harsatna siam lo turin an ngenin an hriattir a ni.

Thuthar thehdarhtute an kawmna ah hian MZP General Hqrs. President, L.Ramdinliana Renthlei chuan, “The Right of Children to Free and Compulsary Education(RTE) Act, 2009-ah chuan Pupil Teacher Ratio (zirtirtu pakhat in naupang a zirtir tur zat) hi Primary-ah 30:1 a ni a, Upper Primary (Middle School)-ah 35:1, Secondary level-ah 30:1 a ni a. Mizoram-ah chuan Pupil Teacher Ratio (PTR) hi Primary School-ah 18:1 a ni a, Upper Primary (Middle School)-ah 9:1 a ni a, High School-ah 8:1 leh Higher Secondary School-ah 14:1 a ni thung a. Zirtirtu hi an tam tawk a, tuna kan harsatna hi chu thingtlang lamah an tlem a, khawpuiah an tam thung a, hei hi MZP chuan semrual a ngai kan ti a ni,” a ti.

MZP ten an zirchiannaah chuan Aizawl-a sawrkar enkawl Primary School \henkhatah zirlai 55 awmna ah zirtirtu 8 awmna te, zirlai 63 awmna ah zirtirtu 10 awmna te, zirlai 15 awmna ah zirtirtu 5 awmna te a awm a, chutiangin Middle School-ah pawh zirlai 39 awmna ah zirtirtu 10 awmna, zirlai 96 awmna ah zirrtirtu 9 awmna te, zirlai 15 awmna ah zirtirtu 8 awmna te a awm a, High School-ah zirlai 35 awmna ah zirtirtu 9 awmna, zirlai 47 awmna ah zirtirtu 10 awmna, zirlai 63 awmna ah zirtirtu 11 awmna te, zirlai 44 awmna ah zirtirtu 8 awmna te a awm a ni.

Hetianga Aizawl-a an indaih viau lai hian MZP-a in report thingtlang Primary School 11 te chuan zirtirtu 1 chiah an nei thung a, heng School-ah te hian zirlai 42 te, 45 te an awm a, Thingtlang Primary School 45 te chuan zirtirtu 2 chiah an nei a, Thingtlang Primary School 30 te chuan zirtirtu 3 chiah an nei bawk niin an sawi.

Zirchianna a\anga a lan danin Middle School-ah Hindi Teacher neilo 237 an awm a, an hriat theih chinah Headmaster neilo School 105 an awm a. Zirtirtu ni si SSA emaw, RMSA emaw zirtirtu pangngai Education Department Office hrang hranga attach an tam hle a, zirtirtu lakthar thingtlang lama post ten an thiltihtheihna hmanga transfer an dil \hin chu MZP chuan \halo an ti tih sawiin, Zirtirtu tura lak Office lama attach a awmte pawh hi an awmna hmun tura kal turin MZP chuan a ngen a. Zitirtu awmsa sem rual chungchangah chuan MZP chuan na takin hma a la dawn tih an sawi a. Zirtirtu awmsa rualkhai taka thingtlang leh khawpui School-ah te semrual a nih theih nan; thingtlang lam zirlaiten zirna \ha an dawn ve theih nan MZP chuan hma a la zel dawn tih an sawi bawk.