Serchhip Vengchung YMA ten an dincham an lawm

Serchhip Vengchung Branch YMA chuan Inrinni khan Serchhip-a YMA dincham vawi 80-na an lawm.

Serchhip Vengchung Branch YMA ten an dincham vawi 80-na lawmna hi chawhma lamah intihhlimna neiin chawhnu dar 2:00 khan Zoluti Hall, Serchhip Vengchung-ah he Ni puala inkhawm an nei a, he hun hi an Branch YMA Vice President, Zolianmawia chuan kaihruaiin hruaitu hlui a\angin Upa Vanlalhruaia chuan Hunserh a hmang a, Branch YMA President, Lalrin-\huama Kawlni chuan an Branch YMA lo indin chhoh dan leh hruaitu hmasa te chanchin sawiin, Branch YMA member te tana hmasawn zelna tura pawimawh nia a hriat te a sawi bawk.

He hun hi Serchhip Sub-Hqrs. YMA a\angin Treasurer, R. Lalhmunsiama chuan hmanpuiin Serchhip Vengchung Branch YMA in hetiang hun lawmawm an hmang thei chu a lawmpui thu a sawi a. Serchhip Vengchung Branch chu Ser-chhip-a Branch hlawm lian, Member pawh tamna leh chak taka hma la \hin an nih thu sawiin, Sub-Hqrs. YMA a\anga thlir pawhin Branch entawntlak nia a hriat thu a sawi a. Heng an entawn-tlakna te chu vawnnung zel turin a chah bawk.

He hun hmanna ah hian Branch YMA Secretary, Lalthlamuana chuan report pein Report a\anga a lan danin Serchhip Vengchung Branch YMA te hian kum 1938-a Serchhip khaw-hlui, Kawlri-a YMA din chu chhawm zelin a din-cham pawh an dincham ah hmangin kumin hi a kum 80-na a ni a, kumin hian he Ni hi member te intihhlimna atana hmangin tun thla ni 19 a\ang khan zan lamah Inchhung leh pawn lama inelna- Futsal (Mipa Senior, Junior) Chinese Checker, Chess, Carrom Board leh Volleyball (Mipa leh Hmeichhia) hmangin intihsiakna an lo nei tawh a, Inrinni khan a kharna ni pah fawmin hun an hmang a ni. Serchhip Vengchung Branch YMA-ah hian tun dinhmun ah member mipa 452 leh Hmei-chhia 269, an vaiin Member 721 an awm mek a ni.