Mizoram hmundangte rualin Serchhip-ah MZP huaihawtin Remna Ni hman a ni

India sawrkar leh MNF ten inremna an siamna Ni, Remna Ni chu Inrinni khan Mizoram hmun hrang hrangah hman niin Serchhip-ah pawh MZP Hqrs. Serchhip buatsaihin Serchhip Hmar Veng YMA Hall-ah Remna Ni hi hman a ni a. He hunah hian tlawmngai pawl leh Political Party hrang hrang ten thu an sawi a ni.

Serchhip-a Remna Ni puala inkhawm hi MZP Hqrs. Serchhip President, H. Lallawmkima chuan kaihruaiin Remna Ni chu Mizo mipuite ta a nih thu leh tu pawl leh Party pawhin hmang se kan in hlutpui a \ul thu a sawi a. He hunah hian Political Party leh tlawmngai pawl hrang hrang ten thu sawiin PAMRA District Hqrs. Saizahawla District Serchhip-a President, H. Lianhnuna chuan Mizoram in remna leh muanna kan neih chu chawinung zel tura tlawmngai pawl ten hun an buatsaih chu lawmawm a tih thu a sawi a. Remna leh Muanna kan neih hnuah kan Hnam leh Culture te hnamdang in min tihchhiat sak lohna turin Nationalism lama kan \hanharh a \ul thu a sawi a. Hnamdang ten min chimral theih na laka kan inven a \ul thu leh remna leh muanna chu kan duh ang bawkin a pechhuaktu kan nih a \ul thu a sawi a. Remna leh Muanna kan neih chu \hangthar lo la awm lehzel turte tan pawh lawm lak leh hriatreng tlak a nih theih nan a tichhe theitu lak a\anga kan venhim a \ul thu a sawi bawk.
Serchhip Sub-Hqrs. YMA Secretary, Lalrammawia pawhin rambuai lai hrehawm zia tarlangin, Mizo leh Mizote pawh inrem lovin unau inlaichinna hial pawh a chhiat thu leh tawrhna nasa tak kan tawrh thu sawiin, chutiang kara remna leh muanna kan nei ta chu thil lawmawm tak a nih thu leh a cham hmang theia kan awm chu lawmawm a tih thu a sawi a. He remna leh muanna hnuaiah hian venthawn leh hlauhthawn awm lova nitin khawsak phung pangngaia kan zawm thei ta chu a lawmawm zia hriat reng a pawimawh thu a sawi bawk. MJA Serchhip District President, C. Ramengmawia pawhin Remna hlut zia hre tur chuan buai hmasak a ngaih thu sawiin, Remna leh muanna chuan hmasawnna tam tak a thlen laiin, he remna hnuaiah hian zalenna hi kan thiamloh chuan a hman sual ve theih a ni, a ti a.Ram buai karah chanchinbumite ten harsatna tam tak tawkin, thil dik an hmuh leh hriat ang te an tarlang thei lova, tunah remna hnuaiah chuan zalen taka an awm thute a sawi bawk.
He hunah hian Political Party hrang hrang te pawhin thu sawiin Serchhip Block Congress Committee aiawhin Ramherliana, Joint Secretary chuan thu a sawi a, Remna Ni chu Mizote tana chhinchhiah tlak leh hlu ber nia a hriat thu a sawi a. He Ni ah hian remna atana thawktute zawng zawng leh Hnam Sipai te kan hre reng a ni tiin zahna Chibai a buk a. Remna Ni chu Party inchirhthehna leh Party ham\hatna atana lak tum lova \hangthar ten hetianga a huhova hmanna an siam chu lawmawm a tih thu a sawi bawk. 
ZPM Steering Committee Serchhip Vice Chairman, Lalchhara chuan Remna leh muanna kan neih chu tu leh fate tana hriatreng tlak, Pathian thil thlawnpek a nih thu a sawi a, Pathian thilthlawnpek a nihna kan hai lek lek emaw tih tura Remna Ni kan hman laia tlawmngai pawl huaihawta hman a ni ta chu lawmawm a tih thu a sawi bawk.
MNF East Block Serchhip President, T. Zadingliana pawhin Remna Ni chu YMA bultuma hman a nih hnuah MZP te bultuma hman leh a ni chu lawmawm a tih thu sawiin, kum 20 zet ram-buaia kan awm laiin mipuite nun chu a thlabar hle tih a sawi a. Kan Hnam Sipai ten zalenna an sual avanga remna thuthlunga ziak tel thil pawi-mawh hrang hrang te a tarlang bawk.
Serchhip-a Remna Ni puala inkhawm ah hian tlawmngai pawl hrang hrang leh Political Party hruaitute bakah thuthar thehdarhtute telin thusawi tura beisei te zingah MUP Sub-Hqrs. Serchhip leh BJP Serchhip District aiawhte chu an tello thung a ni.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi