Sawrkar leh Central YMA \angkawp buatsaihin Hlo Tur leh rannung thahna hlo hman dan zirho a ni

Mizoram sawrkar-a Agriculture Department (Crop Husbandry) leh Central YMA \angkawp buatsaihin nimin khan rannung thahna hlo leh hnimhnah suatna- hlo Tur hmandan tur, hman dan dik leh hman dan him zawk inzirtirna chu loneitute, YMA hruaitute leh dawrkai rannung-hnimhnah tur/hlo zuartute pualin Aizawl-ah buatsaih a ni.

Aizawl District Agriculture Officer Conference Hall-a 'Awareness Campaign on Safe & Judicious use of Pesticides Programme' hi Agriculture Minister, KS. Thanga chuan hmanpuiin mihring pungchho zelah ei leh bar mamawhna a san chhoh zel thu leh Mizoram-ah pawh ei leh bara intodelh tumin theihtawp chhuah mek a nih thu a sawi a. "Mizoram mipui 70% aia tam eizawnna Agriculture Sector hi kan sawrkar chuan a ngai pawimawh chhunzawm zel a. Kan kuthnathawktute tihhmasawn, an intodelh dan tur ngaihtuahpui leh an thawhchhuah tihpunsak hi kan Development Policy lian ber pakhat a la ni reng a ni," a ti a. Thawhchhuah tihpunna turin kan thlaite a eichhetu lakah venhim a ngai a, chuvang chuan loh theih lohin hlo tur, rannung thahna leh zuva hraina tur chidangte hman a \ul hun a awm \hin tih sawiin, amaherawh chu hrisellohna thlentu, Cancer vei an pun chhan pakhat a ni em tih te zirchian a hun tawh tih a sawi a. Kuthnathawktuten an huan thlai himna tura rannung hraina leh hlo thahna tur an hmandan te a lo him zawk na tur leh mihring bakah leilung tana pawi lo zawnga hmandan inzitir chu thil hmanhmawh thlak a nih tawh thu a sawi bawk.
Awareness Campaign on Safe & Judicious use of Pesticides Programme hi Aizawl District Agriculture Officer, R. Lalnunzira chuan kaihruaiin Central YMA President, Vanlalruata pawhin he hun hi hmanpuiin kan chawhmeh chawkluhte bakah kan huan thlai ei te chen hian Cancer thlen thei hman phalloh zinga mi pesticide hmanga enkawlte a ni em tih te kan chian a ngai tawh tih a sawi bawk.
He huna mithiam te tarlan danin Endosulfan, DDT, Ethyl Parathion, Aldrin, Endrin, BHC, Heptachlor, Lindane, Phenyl Mercury Acetate te chu mihring tan leh min hualveltu (environment) tana hlauhawm leh hman loh tur te an ni a. Pesticide taksa-a a luh avangin - Lu na, Dan pangai aia nasa zawka thlan tla, Hrawk leh hnar za, mit thip, luakchhuak, chauh ngawih ngawihna, ngaihtuahna mumal lo, vun thak, mut theih loh, chaw eitui lo, tuihal huam huamna, taksa chak lo, ruhchuktuah na, nikhawhriatloh, thawk harsa leh rang, khawsik leh Cancer te a thleng thei bawk a ni.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi