Union Home Minister in Bru laklet chungchang Mizoram leh Tripura Chief Minister te a sawipui

/
Union Minister of Home Affairs, Rajnath Singh chuan nimin tlai dar 4:00 khan Mizoram Chief Minister, Lal Thanhawla leh Tripura Chief Minister, Biplab Kumar Deb te chu New Delhi-a a Office-ah hmu in, Tripura-a Bru chengte Mizorama laklet chungchang a hmalak dan tur a sawipui.

Union Home Minister, Rajnath Singh hian Mizoram Chief Minister leh Tripura Chief Minister-te hi a hranpa a kawmna a neih hmasak hnuin Ministry of Home Affairs leh State pahnih a\anga Official kalte leh Mizoram Bru Displaced People's Forum (MBDPF) hotute nen Reang (Bru) laklet chungchang hi sawiho leh a ni a. Bru Repatriation chungchanga Draft Agreement chu uluk taka ngaihtuah ho niin, Mizoram Sawrkar ngaihdan te thlen a ni bawk a. Siam \hat ngaite siam \hat a nih hnu in Draft Agreement hi sign a ni a. Hemi hnuaiah hian kumin September ni 30 ralhma ngeia Bru, Mizoram-a lo la kirlo te chu lalet tura ruahman a ni. 
Agreement ziahnaah hian Union Home Minister leh State pahnih Chief Minister te chu witness/hriatpuitu ah \angin, Mizoram Sawrkar aiawhin Principal Secretary (Home), Lalnunmawia Chuaungo leh Tripura Sawrkar aiawhin Chief Secretary, Sanjeev Ranjan ten an sign a, Ministry of Home Affairs aiawhin Special Secretary (Internal Security), Rina Mitra leh Mizoram Bru Displaced People's Forum (MBDPF) aiawhin an President, A. Sawibunga chuan hming an ziak bawk.
Bru laklet chungchang bakah hian Mizoram Chief Minister chuan Zokhawthar |iau Lei-a Assam Rifles in sumdawnna bungrua phur Truck a dang chu ngaihven a, a rang thei ang bera heng lirtheite hi Assam Rifles in an chhuah theih nana hma la turin Union Home Minister hnenah hian a thlen a. Aizawl kawpui laili a\anga Zokhaw-sang-a Assam Rifles sawn chhuah chungchang pawh Union Home Minister hi sawipui bawk.
Nimin a he sawihona hunah hian Ministry of Home Affairs a\angin Home Secretary, Special Secretary, Adviser (NE), Joint Secretary (NE) leh Director, Intelligence Bureau an tel a. Mizoram Chief Minister hi Principal Secretary (Home) Lalnunmawia Chuaungo leh OSD (Home), David H. Lalthangliana ten \awiawm in, Tripura Chief Minister chu Chief Secretary in a \awiawm a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »