Side Drain enkawl zui a \ul

Side Drain enkawl zui a \ul

Serchhip District Sanitation Task Force in alo rel tawh angin Inrinni kalta khan Ser-chhip khawpui hmun hrang hrangah Side Drain laih leh a awmsa thenfai hnatlang neih a ni a. He hnatlang ah hian Side drain tam tham tak laih thar a nih bakah a awmsa te pawh thenfai thar a ni a. He hmalakna hi Faina a hma kan lakna pakhat niin amaherawh chu hei mai bakah hian kan khawpui chhunga leimin tam tak venna atan pawh thil \angkai tak a ni ngeiin a rinawm a ni.

Kan hriat angin Serchhip khua hian tunhma a\angin leimin rapthlak tak tak kan lo tuar tawh \hin a, heng te hi Side Drain kan neih mumalloh vang leh Side Drain in a thlen phak bak kawrpui lam a\anga in\an a ni \hin tlangpui a. Tunhnaia Serchhip-a leiminna hmun \henkhat tlawhtu mithiam te pawhin Side Drain \ha taka siam pawh a \ul thu uar takin an lo sawi tawh bawk a. Hetiang dinhmuna kan din laia kan khawpui chhung hmun hrang hranga Side Drain kan han siam thar leh a awmsa kan thianfai thar hi thil lawmawm tak a ni.

Tunhma lam a\ang tawhin kan khaw-pui chhunga Side Drain \ha zawk siam a \ul thu hi kan sawi fo tawh \hin a, tunah hian kan District thuneitute leh khawtlang hruaitute hmalakna a zarah Side Drain \ha tak tak neiin kan neih belh zel turah ngai ila. Amaherawh chu heng kan Side Drain te hi mipuite hian kan enkawl zui erawh thil pawimawh tak a ni dawn a. Tuna mi inphal te zara Side Drain \ha taka laih thar te hi kan khawtlang himna atana thil pawimawh a ni tih hriain, \angkai taka kan hman reng theihna turin neitu rilru pu chungin mipuite hian kan enkawl zui a \ul dawn hle a ni.