Tuesday, 24 July 2018

Mizoram-a Ration Card zawng zawng a\anga 79.24% chu Aadhaar nen thlunzawm a ni tawh


Mizoram chhunga District Civil Supply Office (DCSO) pakua (9) hnuaiah Ration Card 2,66,842 awmin 2,11,449 chu Aadhaar nen thlunzawm a ni tawh a,hei hi za zela 79.24 niin Ration Card-a hming chuang zawng zawng 12,55,353 zinga mi 8,12,055 chu an Aadhaar nen thlunzawm an ni tawh a, hei hi za zela 64.68 a ni bawk.

Sawrkar laipui in ruahmanna a siam angin Mizoram chhung District hrang hranga DCSO hnuaia Family Ration Card leh Aadhaar thlunzawm hna chu ngawrh taka thawh chhunzawm mek zel a ni a, Mizoram sawrkar-a Supply Department chuan Mizoram hi District pakua-ah \henin heng District viltu, DCSO te hian anmahni bial \heuh ah Family Ration Card leh Aadhaar thlunzawm hna hi an thawk a ni. He hna thawh mekah hian Serchhip District-ah chuan Ration Card 17,709 awm zingah Ration Card 16,208 chu Aadhaar nen thlunzawm a ni tawh a, hei hi za zela 91 niin Mizoram District hrang hrang zingah a \ha ber pawl a ni.
Ration Card leh Aadhaar Card thlunzawm hna thawh mekah hian Aizawl West DCSO huamchhungah hma sawn berin Ration Card 46,497 awm zingah 45,109 chu Aadhaar nen thlunzawm a ni tawh a, hei hi za zela 97 a tling a, Aizawl East DCSO huamchhung ah Ration Card 51,266 awm zingah 46,969 thlunzawm ni tawh bawkin hei hi za zela 91 a tling bawk a ni.
DCSO Champhai huamchhung ah Ration Card awm 30,553 a\angin Ration Card 26,123 chu Aadhaar Card nen nen thlunzawm a ni tawh bawk a, hei hi za zela 85 a ni a. DCSO Kolasib huamchhung ah Ration Card 21,398 awm a\angin 18,260 chu Aadhaar nen thluzawm ni tawh bawkin hei hi za zela 85 a ni a. DCSO Lawngtlai huamchhung ah Ration Card 19,060 awm a\angin 11,961 chu Aadhaar Card nen thlunzawm tawh niin hei hi za zela 62 a ni a, DCSO hrang hrang zinga thlunzawm la tlemna ber a ni.
Lunglei DCSO huamchhung ah Ration Card awm mek 43,836 a\angin 33,613 chu Aadhaar Card nen thlunzawm ni tawh bawkin hei hi za zela 76 a ni a. DCSO Saiha huamchhunga Ration Card awm 16,874 a\angin 13,206 te pawh Aadhaar nen thlunzawm a ni tawh bawk a, hei hi za zela 78 a ni. DCSO Mamit huamchhung ah Ration Card 19649 awm zinga 16163 chu Aadhaar Card nen thlunzawm tawh niin hei hi Ration Card awm zawng zawng a\anga chhutin za zela 82 a ni bawk.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018