MP Model Village-a hmalakna thlirletna neih a ni


Nimin khan Serchhip District Bawrhsap, Sangchhin Chinzah hovin Sansad Adarsh Gram Yojana (SAGY) hnuaia Serchhip District chhunga MP Model Village pahnih Chhiahtlang leh Khaw-lailung khua a hnathawh dan hrang hrangte zirchianna neih a ni.
Serchhip DC’s Meeting Room-a Serchip District-a MP Model Village pahnih- Chhiahtlang leh Khawlailung khuaa SAGY hnuaia hmasawnna hnathawh thlirletna hunah hian Ministry of Rural Development, Government of India a\anga lokal, SAGY 1st Phase Evaluation Team (For Chhiahtlang & Khawlailung), Prof. Subhrangshu Sekhar Sarkar, Principal Investigator leh Prof. Dr. Papori Baruah, Co-Principal Investigator te hian Serchhip District a Sawrkar Line Department hrang hrang hotute chu tun dinhmun a hmasawnna hna an lo thawh tawh dan leh an Department hmalakna kal lai mek te sawipuiin, hriatthiam loh an neih te an zawt a, Line Department \henkhat ten hma-sawnna hnathawh mekah harsatna an neih te an lo thlen bawk a ni.

Ministry of Rural Development, Government of India a\anga lokal SAGY 1st Phase Evaluation Team (For Chhiahtlang & Khaw-lailung) te hian nimin chawhnu lam khan Lok Sabha MP, CL. Ruala’n Model Village atana a lo thlan tawh Khawlailung khua SAGY hnuaia Village Development Plan (VDP) zul zui a Sawrkar Department hrang hrang ten hmasawnna hna an thawh hrang hrangte a hmunah an en bakah khawtlang hruaitute nen inkawmhona, Pan-chayat Details Survey/Group Discussion an nei nghal bawk a. Vawiin-ah Rajya Sabha MP, Ronald Sapa Tlau-in MP Model Village atan a lo thlan tawh Chhiahtlang khua a SAGY hmalakna hrang hrangte a hmunah tlawh lehin, khawtlang hruaitute nen inkawmhona an nei leh bawk ang. Heng khua an tlawhna ah hian SAGY Line Department hotu ten an \awiawm bawk a ni.

Popular posts from this blog

PAN CARD an tih teh fo hi - Laldinpuia