Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Kum chanve chhungin thubuai 1233 ziaklut

Mizoram Police te chuan kumin kum chanve (January-June, 2018) chhung khan Mizoram pumah thubuai 1233 an ziaklut a, hengte hi IPC hnuaiah 993 leh Non-IPC hnuaia mi 238-te an ni.
Mizoram Police record a\anga a lan danin IPC hnuaia thubuai ziahluh 993 zingah hian rukruk (theft) case chu tam berin case 400 ziahluh a ni a, hei hi IPC hnuaia thubuai ziah luh zawng zawng a\anga chhutin 40.28% a tling a, mi rawk (burglary) thubuai ziahluh 268 chuan a dawt a ni. IPC hnuaia thubuai ziahluh zingah hian kumin chhungin tualthah thubuai 17 ziahluh a ni a, mi thah tum case 5, pawngsual case 14 a awm bawk. Non IPC hnuaia thubuai ziahluh 238 zingah hian ND&PS Act hnuaia case ziah luh 84 chu a tam ber a, thubuai ziahluh a\anga chhutin 35.29% a tling a. Non IPC hnuaiah hian zu khapna/MLPC Act hmangin thubuai 67 ziahluh a ni bawk.

Comments

Chhiar Hlawhte