Union Minister hovin Scheme leh Central Sectoral project-a hmalak dan thlirhona neih a ni

Mizoram rawn tlawhtu Union Minister for Statistics & Programme Implementation, D.V. Sadananda Gowda chuan zankhat riak turin nimin khan Aizawl a rawn thleng a. Nimin khan Secretariat Conference Hall-ah Planning Minister, Lalsawta leh Official te kawmin Scheme leh Central Sectoral project pawimawh tak kalpui mek te a sawipui.

He Meeting-ah hian Union Minister for Statistics & Programme Implementation, DV. Sadananda Gowda chu Mizoram Planning Minister, Lalsawta chuan lo lawmin Mizoram in hmasawnna kawnga ke a pen dan tlangpuite tawi leh kimchang takin sawi hmasa a. Hemi hnu hian Union Minister kaihruaina in Meeting chu chhunzawm a ni. Union Minister, DV. Sadananda Gowda chuan Mizoram chu nuam a tih thu sawiin India hmarchhak state zinga hmun ralmuang a ni, a ti a. Mizoram-ah MP Local Area Development Scheme (MPLADS) chu \ha takin kalpui a ni tih a data in a lo hmuh bakah kalkawng dung thui lo te a rawn zawh chhoh pawhin hna \ha tak tak thawh a ni tih a hmuh thu te sawiin, he Review Meeting-a tel, Mizoram Lok Sabha MP chu a lawmpui tih a sawi a. MPLADS Mizoramin a kalpui dan chu state dangte tan entawntlak, ‘Role Model’ a ni a ti.
Union Minister, DV. Sadananda Gowda chuan Support for Statistical Strengthening (SSS) Scheme hmanga Planning & Programme Implementation Department hnathawh dan chu a \ha a tih thu sawiin, Central duhdan anga Real Time Data, Department tin ten an hman theihna turin state a Economics & Statistics Department te pawh an tan sauh sauh a ngai a ni, a ti a. Data rintlak leh tharlam (realtime Data) chu hmasawnna tura sawrkar ti penchaktu – Planning, Implementation leh Economic Policy innghahna bakah langtlang sawrkar siamna atan hmanraw pawimawh tak a ni a ti.
Central Sawrkar chuan Mizoram mamawh pawimawh ber chu inkalpawhna leh inthlun-zawmna \ha zawk a ni tih a hriat thu a sawi a. Railways hmalakna tih sukuk leh tihkhawtlai a ni fo \hin chu pawi a tih thu sawiin, a tuar ber tu chu Mizo mipui te an ni a; Rel kawng phah meka harsatna a lo thlen changin state sawrkar leh Central Sawrkar inpawh tlang taka an thawh chhunzawm zel a ngai a. Rel kawng siam leh National Highways siam mekah te Central sawrkar chuan Mizoram sawrkar harsatna ah te a sutkian dan zawnpui turin theihtawp chhuah a inhuam reng tih a sawi bawk.
He hunah hian hmalakna hrang hrangte chu a lem nen thlirho in zawhna leh chhanna hun hman a ni bawk.

Popular posts from this blog

PAN CARD an tih teh fo hi - Laldinpuia