Sawrkar hrawn tawh te thlai thar hralhna Dan siam chu Dan chhe ber leh hmantlakloh niin sawi

Zoram People's Movement (|angrual Pawl) Chief Ministerial Candidate, Lalduhoma chuan sawrkar kan hrawn tawh ten thlai tharchhuah hralhna dan an siam chu dan chhe ber leh hmantlak loh a ni, a ti a. ZPM an sawrkar chuan heng thlai hralhchhuah khuahkhirhna Dan te hi \hiah a nih tur thu a sawi bawk.

Nimin a ZPM party chhung inkhawm neih ah ZPM Chief Ministerial Candidate, Lalduhoma chuan Tuipui East bial chhunga Samthang khuaah tunlai hian Zikhlum an thar nasa em em tih sawiin, a hralhchhuahna kawngah phai a\anga Zikhlum a lo luh ve reng avangin harsatna an tawk a. Aizawl Bazar a kharchhawngho te chuan mahni ramchhung ami ngei mipuiin an lei theih nan phai a\anga Zikhlum lo lutte lei lo turin nimin a\ang khan Bazar-ah an \hulo tih sawiin, “He an hmalakna hi ZPM chuan ropui a ti a, kan chhuang tak zet a ni,” a ti.

Lalduhoma chuan kum 1994-a sawrkarna changtu Congress sawrkar khan Mizoram Agriculture Produce (Prohibition) Order 1994 chu duangin, ram chhunga thlai tharchhuahte ram pawna hralhchhuah khapna dan an lo siamna hnuaiah kuthnnathawktute thlai thar chu control-in, Silchar ami Sundar Ali nen inthurualin man tlawm te te in an lei sak tih a sawi a. A hnuah MNF sawrkar lehin, kuthnathawktute tharchhuah zinga Item 138 lai chu an control leh nia sawiin, heng kuthnathawktute thawhrahte hi ram pawnah zalen taka an hralhchhuah theih nan ZPM an sawrkar hunah chuan an \hiah hmasak ber turte zing ami niin a sawi bawk.

Power chungchang sawiin Lalduhoma chuan, 18th Power Suvey of India chuan Mizo-ram-ah 3663 MW thar theihna a awm laiin kan rama Power enkawltu P&E Department kum 1979-a din a nih a\anga kum 40 vel zet a liam hnua min thlenpui theih chu 10 mw tharchhuah chauh ala nih thu a sawi a. Tunah hian Electric hmang hi Mizoram-ah chhungkaw nuai hnih vel niin connection la nei lo hi 12,625 an la awm nia sawiin, Tuikhuah \ha tak siamna tham a liam tawh niin a sawi bawk.