Monday, 30 July 2018

Lungawilohna lantirna khua ah te a \ul anga hma la turin sawrkar in thuneitute a tirchhuak

Nimin khan Home Minister leh Chief Minister mawhphurhna la mektu ni bawk, R. Lalzirliana hovin a chenna In-ah Mizoram-a Lump Sum Higher Secondary School 9-te thil nawr chungchang leh Dan leh thupek kenkawh lama a thil nghawng te ngaihtuahin School Education Department, Home Department leh Finance Department hotute an \hukhawm a. He hunah hian Finance Minister, Lalsawta leh School Education Minister, H. Rohluna te pawh an tel a ni.
He \hutkhawm ah hian Home Minister, R. Lalzirliana chuan nu leh pa ten an fate tana a \ha thei ang ber an duh ang chiah hian sawrkar pawhin mipui tan a \ha thei ang ber, a tlin chinah chuan tih a duh \hin tih a sawi a. Chutihrual chuan sum neihin a tlin tawk ang zela rualkhai taka hmalak a ngaih \hin avangin Private School ten Adhoc Grant-in-Aid a hlankai an dilna chu tihhlawhtlin sak duh hle mahse a theihloh a ni, a ti.
He Committee hian thil awmdan ngun taka a ngaihtuah hnu in heng Private School pakua (9) ten Adhoc Grant in Aid-a hlankai an phut chu tuna sawrkar sum dinhmun en in tihsak theih a niloh thu a sawi a. Sawrkar a\anga puihna Lump Sum Grant dawng mekte tan an sum dawn zat hi tipung turin a hma a\ang tawh khan hma lo lak tawh niin, sawrkarah file a kal mek thu sawi a ni bawk a. Hei bakah hian heng School te hi Lump Sum Grant pek an nih in he sum pek an nih avanga sawrkar-ah ham\hatna dang dillo tura hriattir an nih vek tawh thu tarlan a ni bawk.
Nimin a Meeting hian heng School ten thil phut nawr nana zirna tibuai zawnga zirna In hial an khar chu pawi an tih thu leh, zirna leh zirlaite hma ngai tan chuan hetiang zawnga chet te, mipui chetvelna tibuai zawnga inkalpawhna kawng dan te chu \halo an tih thu an sawi a. Hemi avang hian mipui tan harsatna a thlen loh nan Aizawl, Lunglei, Serchhip, Champhai leh Mamit-ah te IPC Section 144 hmanga thupek tihchhuah nghal niin Magistrate ten mi panga (5) aia tam punkhawm khapna an tichhuak dawn a, nizan a\ang khan heng District-ah te hian Magistrate leh Police te duty tura tirhchhuah nghal an ni ang.
Hetihlai hian Champhai leh Aizawl inkara Maxi Cab Service te chuan Thingsulthliah khuaa Sawrkar laka lungawilohna lantir ten an khaw paltlang pawh nilo Mizoram khawchhak lam kawngpui danpin an tum leh chu ti tawhlo turin an ngen a, kawng hi an dang lui a nih chuan hemi Ni-a tlanlo Motor te chu a \ul anga chechhuak tura inring turin an hriattir bawk.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP