Dinhmun \ha zawka dan phut

Mizoram Govt. Aided School Association (MIGASA) chuan Adhoc Grant-in-Aid a hlankai an ngenna chu tih hlawhtlin sak ngei an beisei tih an sawi.

Nimin a Aizawl Press Club-a thuthar thehdarhtute an kawmna hunah MIGASA hruaitute chuan Mizoram Sawrkar hian kum 2001 a\ang khan Lumpsum Grant-in-Aid (GIA) hi kalpui \anin khatih hunlaia Lumpsum School-te kha kum 2008-ah Adhoc Grant-in- Aid-ah a hlangkai tih an sawi a, School \henkhat erawh chu tihtawp niin tunah hian Lumpsum GIA hi 61 (HSS tel lovin) an awm mek nia an hriat thu an sawi a. Lumpsum Grant-hi kumkhat atan Higher Secondary School-ah Rs. 1,50,000/- niin High School leh Middle School te hi Rs.1,20,000/- pek \hin niin tun thlengin Lumpsum GIA hi hman anih a\angin tihpun a la awm lo tih an sawi bawk.

Hei bakah hian MIGASA hruaitute chuan Lumpsum GIA School-te hi kum 10 zet an lo nih tawh avangin \um engemawzat Sawrkar hotute hnenah Adhoc GIA-a hlankai an phutna chu thu lawmawm an la dawn loh thu sawiin, MIGASA General Assembly chuan he an hmalakna ah hian July thla chhunga thu lawmawm an dawnglo a nih chuan ‘No Teaching Day’ hman leh ‘Tiamchin awm lova School khar’ an rel thu an sawi a. Hetianga School khar kher ngai lova a rang thei ang bera an ngenna leh beiseina tih hlawhtlin sak turin sawrkar chu an ngen bawk.