Ngaihtuahna thiang tak hmanga Vote thlak tura mipuite zirtirna pek kan tum - C. Lalrosanga

Operation Mizoram Movement hnuaia Politics lam buaipui tura din, Wake Up Mizoram Chairman C. Lalrosanga chuan kan kalphung a fuh loh avangin mi tam tak an beidawng a, vote thlak chakna nei lo, phûrna nei lo leh vote tur pawh hre lovin tam tak an awm tih sawiin, mipui te chu ngaihtuahna thiang tak hmanga vote thlak tura zirtirna pek an tum thu a sawi.

Nimin khan Wake Up Mizoram Mission hruaitute hian Mizoram Journalists' Association (MJA), Serchhip District member te chu Serchhip-ah kawmin an pawl kalphung leh an pawl thiltum te hrilhfiahna hun an hmang a, he hunah hian an Chairman, C. Lalrosanga chuan kan kalphung a fuh loh avangin mi tam tak an beidawng a, vote thlak chakna nei lo, phûrna nei lo leh vote tur pawh hre lovin tam tak an awm tih a sawi a, hei avang hian Neutral movement hmanga inphuarkhawmin, hmasawnna rualkhai zawk leh inrelbawlna \ha zawk siam turin mipuite chu ngaihtuahna thiang tak hmanga vote thlak tura zirtirna pek an tum thu a sawi a. An pawl chuan 'I din thar leh ang u' (Nehemia 2:27b) thupuia hmangin Non-Political Body, Neutral Movement an kalpui thu sawiin, Political Party pawnlam a\anga ram siam\hatna tura mipuite hnena zirtirna pek chu an tum tih a sawi a. Pathian ram Chanchin |ha puangin Mizoram-ah mipui inrelbawkna \ha zawk thlentir an tum thu sawiin, chumi atan chuan ruihchilh khawpa party politics kalsualpuina tireh tura mipui auh harh chu an tum a nih thu leh Party-a ruhna (partisanship) leh induhsak uchuakna chuan ram politics a hruai chhe zel tih a sawi a, rualkhai lo taka thil sem tur leh thil dawnte hmangin mipui thlem an ni a, mipui tam tak rethei bakberh leh thlemthluk mai theihin dah an ni tih a sawi a, mipuiten an chanvo dik tak dawng a, midang chanai chhuhsak lo tura zirtir chu an tum a nih thu a sawi bawk.

An pawl Vice President Rev. Lalzuithanga pawhin he hunah hian Party politics hi a nu hle tih sawiin, “Party hrang an nih chuan mahni pianpui unaute pawh engahmah ngai lo kan awm ta nawk mai a, party politics hei leh chen hi kan kalpui tawh a, mahni party mi an nih loh chuan rethei zawk te zuankan-a hausa zawk te pawh vulh \awk duhna rilru kan pu rei tawh a, chuvangin kan ram hi siam\hat a ngai a, tihdam a ngai a ni,” a ti a. Kan ramah Pathian \ih mi, Kohhran ngai pawimawh mi rorel tur hi kan duh ber a ni, tiin "Sum leh pai avanga kan vote tlin te hi min bawihtu turte an ni a, sum ûm avanga kan vote tling a nih chuan kan tu leh faten he ramah hian chan tur an nei lovang," a ti bawk.

He hunah hian an Pawl Secretary, Ro-siamliana Ralte chuan ram tana mahni pawh chân inhuama penchhuak duhte chu thawhhopui tura an sawm thu sawiin, an rilru ang pu te chu thawh-hopui a an sawm bakah anni pawh sawm theihin an awm tih a sawi a. “Pathian \ih chunga Dik leh Fel taka rorel ngam tur mi \ha tam tak Zoram-ah hian an awm kan ring a, chung mite chu lo penchhuak a, Zoram Politics tuinu tifim turin kan sawm che u a ni,” a ti bawk.