Bazar-a Sa bukna te enfiah

Serchhip-a Legal Metrology Enforcement Staff te chuan Inrinni zing khan Serchhip Bazar a sa zawrhna hmuna sa zuar ten dan angin an bukna, patla an khai ngei em tih an enfiah a, man an nei hran lova, zilhhau leh Warning pek erawh an nei.

Serchhip-a Legal Metrology thuneitute hian Serchhip Bazar-a sa zuartute chu Dan anga an bukna te khai chawp lova a ngheta a khaina dah turin an lo hriattir tawh a, he hriattirna hi zawm a nih leh nihloh enfiah niin an zawm \ha viau a, Bawngsa zuartute, arsa leh sangha zuartute pawhin an sa bukna an khai ngei tih hmuh a ni a, hetihlai hian Vawksa zuartu \henkhat te erawh in an bukna dan angin an khai hmuh a ni lova, chawpleh chilh a khai tir nghal an ni.

Serchhip a Legal Metrology Inspector, Johny Zonunmawia chuan June thlaah khan thu-chhuah siamin Mizoram Legal Metrology (Enforcement Rules) 2010, Rule 23-na in a tarlan angin Sazuartu te chu an bukna te a khaina (stand) siam a buk vek turin hriattirna hi a lo pe tawh tih a sawi a, Buk dik taka thil lei hi mipui te chanvo a nih thu sawiin, Sazuartute chu an sa hralh te Buk dik taka pechhuak turin a ngen nawn leh a, mipui te pawh Bukna a khaina tura siama khai lova kut a khaite chu leisak lo turin a ngen bawk.