PAMRA in Remna Ni hmang

Inrinni kaltaa Remna Ni hi Peace Accord MNF Returnee Association (PAMRA) District Hqrs. Saizahawla District Serchhip pawhin Hmangaihzauva In, Hermon Veng-ah an hmang.

PAMRA ten Remna Ni an hman hi an pawl President, H. Lianhnuna chuan kaihruaiin Rev. Dr. PR. Hmuaka chuan hunserh hmangin fuihna thu a sawi a, Secretary hnen a\angin report ngaih-thlak a nih bakah an Member boralta mi 158 te sunna hun hman a ni bawk. He hunah hian PAMRA Serchhip-a Adviser, Lalhmingliana chuan thu a sawi bakah PAMRA Member te a\angin thusawi hrang hrang ngaihthlak a ni bawk a, tlai-ah ruai an kilho bawk a ni.

PAMRA hruaitute chuan an PAMRA member te chu India sawrkar leh MNF ten inremna an ziah avanga ramhnuai a\anga rawn kir te leh remna a awm hmaa Martar ta te an nih thu sawiin, an pawl nena ngaihfin theih pawh dang pawh a awm thu an sawi a, Ex-MNA Association chu Mizoram in zalenna a sual avanga rammu a chhuak te zawng zawng telna a nih thu leh Mizoram Underground Returnee Association (MURA) te chu remna ziah thlenga rammu ve lo te telna a nih thu an sawi bawk.