Latest News

Law Commission 2-na \hutkhawm hnuhnung ber nei

Mizoram State Law Commission chu nimin khan an Chairman, John Siamkunga, MLA hovin a Office Chamber-ah an \hukhawm a. Tun \um hi he Commission \hutkhawm vawi 36-na leh Mizoram Law Commission 2-na \hutkhawm hnuhnung ber tur a ni.
Nimin-a Mizoram State Law Commission \hutkhawm ah hian an Chairman, John Siamkunga chuan a hun chhunga Law Commission member te leh Staff te \hahnemngaihna chu fakin, \ha taka an \awiawm avangin lawmthu a sawi a. Law Commission memberte inpekna hlu tak avangin Commission-in hna \ha takin a thawk \hin tih a sawi a, Department hrang hrangte pawh an Dan hman lai te zirchiang leh zual se, fel zawka mipui rawngbawl theihna atan a \angkai hle-a a rin thu a sawi bawk.
Nimin Meeting-ah hian Mizoram-a Dan hman lai te enzui zel a ni a. Law Commission chuan Department \henkhat tih tur a tuk sak Department-in an bawhzui dan te thlirin, Department \henkhatin hma an lak mek laiin hma la lo Department an awm avangin a rang thei ang bera hma la turin hriattir leh nise an ti a. Hemi chungchang hi zau zawka ngaihtuah pawh \ha tiin helama tui mite leh thiam bikte sawmkhawmin inrawnkhawmna leh sawihona la neih nise an ti bawk.
He Meeting-ah hian Mizoram State Law Commission pahnihna hun chhung (kum 2014-2018) a hmalak tawhna te an thlirho a, he hun chhung hian Law Commission hi vawi 12 an \hu a. Thil pawimawh tak tak rel \hin a niin, engemaw zat tihhlawhtlin tawh a ni a, hmachhawp engemaw zat a awm bawk. Law Commission hmalakna hrang hrangah sawrkar Department ten \ha taka an \awiawm avangin lawmawm an tih thu sawiin, tun hnu zela pawh phur taka \awiawm zel turin an ngen bawk.

Comments

Popular News (Last 30 Days)