Khawnglung Run vanga hriat LT. Muana Khiangte vuiliam

Mizo hla zinga hriat hlawh tak, ‘Khawnglun Run’ tih a phuah avanga mipuite hriatlar, LT. Muana Khiangte, Serchhip P&E Veng chu nizan hmasa khan Aizawl-ah boralin nimin khan Ser-chhip-ah vuiliam a ni.

Serchhip P&E Veng-a khawsa LT. Muana Khiangte hi hla engemaw zat phuahtu niin a hla phuah zingah hian 'Khawng-lung Run' tih leh 'Sudden Muanga' tih te chu Mizo mipuite hriat hlawh tak a ni a, kar hmasa Ningani vel a\ang khan Thawhah avangin Dam-dawi In ah enkawl a ni a, amaherawh chu a natna hi tuarchhuak zo lovin nizan hmasa dar 8:40 khan Aizawl City Hospital-ah a boral a, a ruang hi Aizawl-a an chenna In-ah lak a nih hnuah nizan hmasa vek khan Serchhip-ah rawn phurhchhoh niin nimin khan vuiliam a ni.

LT. Muana Khiangte s/o K. Rokima (L) hi kum 1956-ah Thingsai khuaah piangin, Thingsai-ah hian pawl 2 a pass hnuah Jorhat-ah a pu te bulah awmin, a pawl ngai a zuk zir nawn leh a, pawl 3 a\ang chuan Thingsai-ah ME School zawng a zir chhuak leh a. Class IX leh X chu Shillong lamah zirin, PU leh BA 1st yrs chu Sikulpui (Aizawl College)-ah 1978 thleng zirin, hemi kum hian sawrkar-ah hna hmu nghalin, Lunglei lamah a awm a ni.

Kum 1991-ah S. Vanlaiphai nula, C. Lallawmzuali nen inneiin, fa mipa 1 leh hmeichhia 3 an nei a, a fanu pathum zinga pakhat chu ‘Serchhip Miss Chapchar Kut’ atan pawh thlan a ni tawh nghe nghe a ni. LT. Muana Khiangte hian Sawrkar hna a thawhna avangin Serchhip-ah hian rawn pem lutin Serchhip BDO Office-ah hun engemaw chen a thawk a, Serchhip P&E Veng-ah hian In leh lo te dinin a hna avangin kum 2015 kum tawp lam a\ang khan Aizawl Khatla-ah an khawsa leh a, a boral thleng hian Aizawl Khatla-ah hian awmin Economic & Statistic Department-ah Forest Department changin Research Officer a ni.