Latest News

Serchhip Sub-Hqrs. YMA in ruahsur vanga vanduaina tawk chhungkaw 12 te hnenah \anpuina semchhuak


Serchhip Sub-Hqrs. YMA in kumin June thlaa ruahsur nasa avanga Serchhip khawpui chhunga chhiat tawkte \anpuina tura Vehbur a khawn chu Inrinni zing khan Serchhip khawpui chhunga leimin tuartu chhungkaw 12 te hnenah semchhuah a ni.

Inrinni zing-a Vehbur khawn semchhuahna puala inkhawm tawi Serchhip Sub-Hqrs. YMA Office-a an President, R. Sanghmingthanga kaihhruai a neih ah hian Sub-Hqrs. YMA President chuan kum kal tawh lamah Myanmar-a Zohnahthlak vanduaina tawkte tana YMA chuan rampum huapa Vehbur a khawn tawh bakah nikum ah Mizoram hmun hrang hranga ruahsur nasa kaihhnawiha vanduaina tawkte tan Vehbur khawn lehin kumin ah Serchhip khawpui chhunga vanduaina tawk te tan Vehbur khawn leh a nih thu sawiin, YMA dinchhan chu '|anpui ngaite \anpui' a nih angin YMA chuan \anpui ngaite \anpui turin hma a la zel dawn tih a sawi bawk.
He hunah hian Serchhip Sub-Hqrs. YMA Secretary, Lalrammawia chuan report pein kumin a Fur ruahtui tla avanga harsatna tawk te tan hian Serchhip Town chhunga YMA Branch 21 te chuan Vehbur hi khawnin a vaiin Rs. 2,08,800/- hmuh a nih thu a sawi a. Vanduaina tawk Branch hrang hrang in an thehkhawm te a\angin Sub-Hqrs. YMA Disaster Management Committee chuan heng mite hi an dinhmun zirchiangin \anpuina sem dan tur hi ruahman a nih thu a sawi a. Ruahmanna an siam angin ruahsur nasa kaihhnawiha a In chim vek te chu Rs. 33,800/- pein In leh lo luahzui tlakloh leh a hmun ngaia sak tlak loh te chu Rs. 25,000/- pein a bak vanduaina tawk, In leh lo chhuahsan te chu Rs. 15,000/- pek an nih thu a sawi a. Hemi ang hian Darnam Branch YMA huamchhunga In chim, Darengi chu Rs. 33,800/- pein Serchhip Vengchung Branch huam-chhunga In chhia leh luahzui tlak loh a nih avanga \hiah, Laldawngliana te chu Rs. 25,000/- pek an ni a, a bak chhungkaw 10, In leh lo chhia te leh In rauhsan - Rempuia, Darnam; Lalmuankima, Darnam; Chhawnmawia, Darnam; Ralkapthanga, Chanmari, PC. Lalthanngura, New Serchhip Bazar; Vanthangpuii, P&E Veng; Lalremsangi Sailo, Chhim Veng; F. Lalneihkima, Chhim Veng leh Rosangzuala, Chhim Veng te chu Rs. 15,000/- \heuh hlan an ni bawk.

Comments

Popular News (Last 30 Days)