Tuesday, 10 July 2018

Tripura Relief Camp a\anga Mizoram-a Bru te hruaikir dan tur sawihona Kolasib-ah neih a ni

Tripura Bru Relief Camp 6 a\anga Kolasib District-a Bru chhung-kaw 824 hruaikir dan tur chu nimin khan Kolasib DC’s Conference Hall-ah Home Department Joint Secretary, Lalbiaksangi hovin ngaihtuah a ni.
Sawrkar laipui, Mizoram Sawrkar, Tripura Sawrkar leh Mizoram Bru Displaced Peoples Forum (MBDPF) te chuan Draft Agreement an siam angin August ni 16, 2018 a\anga Septmeber ni 30, 2018 chhungin Tripura Relief Camp 6 a\angin Bru chhungkaw 5407 (mi 32,876) laklet tur an ni a , hengte hi Mizoram-a District pathum Lunglei, Kolasib leh Mamit-ah sem darh tur an ni.
Heng Bru lakkir turte hi Mizoram an rawn luh Ni hian Staging Area ah zankhat an awm lailawk anga, hemi chhung hian ei leh in, tui in tur, inthiarna leh Medical facilities pek tur an ni a, a tuk-ah an chenna tur hmun hrang hrang an pan anga, hemi hmunah hian an chen lailawk na tur sak sak an ni anga, Sawrkar a\anga Insak \anpuina Rs. 1,50,000/- an dawn tur chu Direct Benefit Transfer (DBT) kaltlangin chhawng thuma pek tur an ni a, an rawn let tirhin chhungkaw tin chu Rs. 25,000/- \heuh pek an ni anga, an chenna tur In chu za a sawmnga an sak zawh hunah (50% completion of House Construction) Rs. 50,000/- pek an ni leh anga, In an sak zawh hunah Rs. 75,000/- \heuh pek leh an ni bawk ang.
Bru chhungkua rawn let te hi Mizorama an rawn let thla ah One time Financial Assistance cheng nuai 4 chu chhungkaw lu ber hmingin Fixed Deposit in kum 2 chhung dah sak ani anga, Mizoram-a kum 3 an chen hnuah pekchhuah chauh tur an ni. Hemi bakah hian kum 2 chhung atan thlatin Rs. 5000/- \anpuina pek an ni anga (DBT kaltlangin), Ration pawh kum 2 chhung atan a thlawna pek an ni bawk ang. Bru hruaikir hna hi Mizoram Sawrkar hmalakna in neih a ni anga, a hruaikirna senso (cost of transportation) hi Ministry of Home Affairs in Mizoram Sawrkar hnenah a pe dawn a ni.
Tripura a\anga Bru te hruaikir hna thawk tur hian LO leh AO engemaw zat ruat an ni a, August chawlhkar khatna-ah briefing pek an ni anga, Bru chhungkaw laklet tur te hi vote an neihna hnaih ber khua a dah tur an ni a. Kolasib District-ah hian Bru chhungkaw 824 hruaikir tur niin; Kaskau Camp a\angin chhungkaw 30, Khakchangpara Camp a\angin chhungkaw 14, Hamsapara Camp a\angin chhungkaw 8, Asapara Camp a\angin chhungkaw 391, Naisingpara Camp a\angin chhungkaw 323 leh Hazacherra Camp a\angin chhungkaw 58 an ni a. Mamit District-a hruaikir tur chhungkaw 4,199 ah mihring 25,634 awmin a bak zawng chu Lunglei District-a kir turte an ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...