Public Affairs Index-ah Mizoram sang tih sawi

Mizoram Pradesh Congress Committee (MPCC) chuan India rama State hrang hranga sawrkarna \ha (Good Governance) teh hrang hrang hmanga tehna, Public Affairs Index kum 2017-ah Mizoram chu State te zingah pathumna a nih thu an tarlang.

Nimin a thuchhuah an siamah MPCC chuan Bengaluru (Bangalore) a inbun, 1994-a Dr. Samuel Paul, Economist-in a din, Public Affairs Centre chuan India rama State hrang hranga sawrkarna \ha (Good Governance) tehkhawng chi hrang hrang hmanga an tehna, Public Affairs Index kum 2017 result chu tunhnai khan tichhuakin State te, mihring vbc. 2 aia tlem awmna zingah Mizoram chu 3-na ah a puan thu leh Himachal Pradesh 1-na niin Goa chu 2-na a ni tih an tarlang.

MPCC thuchhuah chuan Public Affairs Centre chu miril leh ngaihtuahna seng awmkhawmna niin hlawk tumna neilo (non-profit) NGO a nih thu pawh an tarlang a, kum 2016 a\ang khan Public Affairs Index hi he pawl hian tichhuak \anin, nikum kum 2017 Public Affairs Index hi State hrang hranga rorelna \ha a awm leh awm loh tehkhawng 10 lai hmanga an endik result vawihnihna a ni tih an tarlang a. Mihring vbc. 2 aia tam awmna, State lian tia an sawite zingah Kerela chu Good Governance-ah hian 1-na niin, rorelna \ha tehkhawngah hian State te zingah hian Mizoram hi 3-na a ni chungin State sawrkar te’n naupang hmakhua an ngaihsak leh ngaihsak loh tehkhawng chu State lian leh te thliar hrang chuang lovin PAC hian Public Affairs Index-ah hian State zawng zawng a huam tir a. Naupangte hmakhua ngaihsak kawngah Mizoram chu India rama State awm zawng zawng zingah 3-na a ni a, 1-na chu Kerala a ni a, 2-na chu Himachal Pradesh a ni tih an tarlang bawk.

Hetiang NGO rintlak, International Status nei meuhin Mizoram chu sawrkar rorelna \ha neia a puang chu MPCC chuan lawmawm a tih thu pawh tarlangin, “MPCC President leh Chief Minister ni bawk, Lal Thanhawla kaihhruai sawrkar hi Opposition te’n kawng hrang hrangin sawisel \hin mahse \an lam nei lo, a lai taka thil thlir \hintu, pawnlam miin min rawn hmuh dan hi hnial rual a ni lo a. Mizo mipui hian Congress sawrkar hnuaiah rorelna \ha an dawng tih Public Affairs Centre, Bangalore-in min rawn puan sak hi MPCC chuan lawmawm a ti tak zet zet a ni,” an ti bawk.