Loneitute hman turin Agriculture Minister in Tractor 30 semin Serchhip District in 7 a chang

Agriculture Minister, KS. Thanga chuan nimin khan Johnson Diesel Sales & Services Depot, Sihhmui-ah loneitute hman tur Tractor 30 leh leilehna hmanrua a sem a. Heng hmanrua te hi Custom Hiring Centre (CHC) 30-a hman tur niin heng te nen hian Mizoram-ah Custom Hiring Centre (CHC) 101 a awm dawn ta a ni.

Heng bungrua semna puala inkhawm ah hian Agriculture Minister, KS. Thanga chuan Mizoram in khawl hmanga lo leh huan enkawl 'Farm Mechanization' ah hun engemaw chen hma la tawh mah se tun dinhmunah mechanization tehfungah Mizoram chu 0.84 Kilowatt/Ha chauh a la ni tih sawiin, khawl hman harsatna hmun, tlang rama lo nei kan nih avangin hmasawn a harsa a, \an lak a la ngai nasa hle, a ti a. |hangthar lehkhathiam leh sumdawngte pawh Farm Machinery lama sumdawnna huangah lut tam se a duh thu sawiin, lei leh nan chauh ni lo - thlai chi thlak nan te, lei\ha pek nan te, thlai thar sengna thleng pawha khawl hman tam lehzual tul a tih thu a sawi bawk.
Sub-Mission on Agricultural Mechanisation (SMAM) Scheme hnuaiah sawrkar laipui chuan hmarchhak state a Farmer te tan Component pariat (8) a duang a. Hemi hnuaiah hian loneitu intelkhawm, Custom Hiring Centre thar sawmthum (30) tan Tractor 47HP, Trailer (3Ton capacity), leilehna khawl Rotavator (Blade 48 nei) leh buh ah-na khawl (Self Propelled Paddy Reaper) pakhat zel semchhuah a ni a. Custom Hiring System pakhat zelah cheng nuai sawm (10) thleng project siam theih niin chuta 95% chu sawrkarin a tum a, a bak zawng chu loneitu intelkhawmten an tum a ni. CHC pakhat zel tan Rs. 11,13,000 sen niin CHC 30 tan Rs. 3,33,90,000 sen a ni a. Hetah hian sawrkar laipuiin Rs. 2,56,50,000/-, State sawrkarin Rs. 28,50,000/- leh loneituten Rs. 48,90,000/- an tum a ni. Tractor 30 pekchhuah te hi a chakna belhkhawm chu 1140 Horse Power niin chu chuan mihring tha 11400 lai a hen a ni.
Tun \uma Custom Hiring Centre (CHC) din thar 30 te hi Champhai District a\angin 16; Serchhip District a\angin 7; Aizawl leh Siaha District a\angin 2; Kolasib, Lawngtlai leh Lunglei District te a\angin pakhat \heuh a ni a. Hmanraw sem tak te hi loneitu engemawzat intelkhawmten neitu nihna neia inhman\awm tura duan a ni a. Chhungkaw 1135 zet CHC 30-ah hian an tel a ni. Mizoram sawrkar hian CHC 71 din tawhin tuna a thar 30 nen hian a vaia belhkhawmin Mizoram pumah CHC 101 din a ni ta a. Mizoram hi ram pum huap pawha SMAM kalpui \ha pawl an ni tih he hunah hian tarlan a ni bawk.

Popular posts from this blog

PAN CARD an tih teh fo hi - Laldinpuia