Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

MSU ten FIR an thehlut

Mizo Students Union (MSU) General Hqrs. Aizawl chuan Cement rate chungchangah nimin chawhnu dar 1:30 khan an President, RB. Lalmal-sawma hmingin Aizawl SP hnenah FIR a thehlut.
Hemi chungchanga MSU General Hqrs. thuchhuah in a tarlan danin Mizo mipuiten man tlawm zawka Cement an lei theih nan MSU chuan nikum a\angin hma a lo la tawh a. Company hrang hrang te nen pawh inremna (rate) siam ni tawhin, tunhnaiah company pathum- Dalmia, Star leh Topcem company ten inremna hi bawhchhia in rate an rawn tisang tih a hriat velah FIR hi a thehlut ta tih an tarlang a. Heng company pathum te hian inremna anga mipui hnena an hralh leh theih hma loh chu bungrua an lalut in an hralh-chhuak tur a ni lo tih pawh tarlangin, tin Company dangte pawh inremna hi bawhchhe lo turin MSU chuan a hriattir nghal bawk.

Comments

Chhiar Hlawhte