Thursday, 26 July 2018

Hrangturzo bialtu MLA in hmalakna kal mek tlawh

Hrangturzo bialtu MLA leh Fisheries Minister ni bawk, Vanlalawmpuii Chawngthu chuan nimin khan a bial chhunga hmasawnna hnathawh \henkhat te chu tlawhin, heng hmun hrang hrangah hian hnathawktute chu a kawm nghal bawk.
Hrangturzo bialtu MLA hian nimin zing khan Kei\um leh Khawlailung inkara Tuichang Lei (Bridge) dawh thar tur hnathawh mek tlawhin an hmalak tawh chin leh hmachhawp mek te a thlirpui a. He Lei hnathawh mek enkawltu Engineer te leh hnathawktute hnenah Tuichang chhak lama mipui zawng zawngte chak lakna kawngpui ber, Lei pawimawh tak a nihzia hria a, a hun taka zo ngei tura thawk turin a chah a. Tuna Bridge hman mek hi la \ha mah se kum 30 chuang a nih ve tawh avang leh tunlaia Truck lian zawkte tana zawh a him tawh loh avangin Lei thar tha zawk neih vat chuan nasa takin kawngro a su dawn a ni, a ti.
Hemi hnu hian Minister hian PWD Engineer te nen Lungchhuan pan lehin Khankawn a\anga Lungchhuan panna kawngpui hnathawh mek an en leh a, hmalak tawh chin leh hmabak la awmte chipchiar takin thawktute nen an sawiho a. Minister in Tuichang Lei leh Lungchhuan kawng a tlawh hi LN. Tluanga, EE, PWD leh thawktu dangten an \awiawm a ni.
Hemi hnu hian Vanlalawmpuii Chawngthu hian N. Vanlaiphai Tourist Lodge-ah N. Vanlaiphai SDO (Civil) huamchhunga Department hrang hrang thawktute nen a bial chhunga hnathawh kal lai mek te leh hmachhawp awmte an thlirho leh a. Sawrkar hnathawkte chu mipuite tana thawk, mipuite vanga awm an nih zia hriaa, an hna thawh tinrengah complaint ngai lo, umzui ngai lo leh rinawm taka thawk \hin turin a fuih a. A bial chhunga Contractor hnathawk mekte pawh danin a phut anga dik taka an hnate lo thawk turin a hrilh a, a \ul ang zela puih a inhuam thu hrilhin, mipuite pawh hnathawktute lo thawhpui thiam turin a ngen a. Hnathawh \ha lo a awm a nih chuan a \ul dan ang zela umzui a inpeih reng thu a hrilh bawk.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...