Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

PM in SHG a kawmna hunah Serchhip RD Block te tel

Prime Minister, Narendra Modi chuan nimin khan DAY-NRLM hnuaia Self Help Group (SHG) te Live Telecast-a kawmin 'Direct Samvad' hun an hmang a, he hunah hian Serchhip RD Block hnuaia Self Help Group te pawh an tel a ni.
Prime Minister, Narendra Modi hian nimin zing dar 9:30 khan India rama DAY-NRLM hnuaia Self Help Group (SHG) te hi Live Telecast-a kawmin Serchhip RD Block hnuaia NRLM luhna khua, khaw 25-ah pawh he hun hi hman a ni a. Heng khaw 25-a SHG member te hian he Live Programme hi thlirin India ram hmun hrang hranga Self Help Group kalpui dan leh an hlawkna te, an hmasawn pui dan te thlirho a ni.
Nimin vek khan NABARD chuan Mizo-ram puma Self Help Group ti\ha thlanchhuahna an huaihawtah Chawnpui SHG, Chhingchhip khua te chuan lawmman pahnihna lain State Guest House, Aizawl Chaltlang-ah lawmman hi hlan an ni. Serchhip RD Block huamchhungah hian Self Help Group 346 an awm mek a ni. 

Comments

Chhiar Hlawhte