NEDP–NLUP Convergence Scheme Phase–II kalpui dan tur chungchang sawihona neih a ni

NEDP–NLUP Convergence Scheme Phase–II (2017-2018) kalpui dan tur sawihona chu nimin khan NLUP Implementing Board Vice Chairman, PL. Thanga hovin NIB Conference Hall-ah NLUP Line Department hrang hrang ten an nei.

NEDP–NLUP Convergence Scheme Phase–II (2017-2018) atan hian NLUP Cluster 40 ah beneficiary 16,400 thlan an ni a. Line Department tinte hnenah beneficiary te hming, sum dawn tur zat leh \ul dangte pek an ni a. NEDP–NLUP Convergence Scheme Guideline siam tawh sa dungzuiin kalpui tur niin Trade \henkhata ennawn ngai awmte erawh chu a changtu Line Department ten review na neiin, siam \hat tura rawtna hi July ni 4, 2018-ah peihfel nghal vek tura tih a ni a. NLUP beneficiary \henkhat Bank Account number leh anmahni biakpawh theihna tur telephone number thehlut ve lo tlem an awm a. NLUP atana \anpuina pawisa semchhuah nghal tura rel anih angin Bank Account Number leh Telephone number la pe lo ten pe nghal tura hriattir nise tia rel a ni bawk.

He ruahmanna hnuaiah hian a tlangpuiin beneficiary tin te hi Rs. 1,00,000/- \heuh pek tur an ni a. 1st Installment-ah a chanve (50%) vel pek tura ruahman niin Auto Rickshaw man erawh chu Rs. 1,00,000/- chuang anih avangin Auto Rickshaw trade thlangtute erawh chuan Rs. 1,00,000/- baka sum mamawh thawh ve tura an inhuamna leh ruahmanna Director, Transport Department-ah ziakin an hriattir tur a ni thung. He ruahmanna kalpuina tura 1st Installment atana sum mamawh cheng vbc. 82 chu Line Department te account a lut turin ruahmanna peihfel a ni tawh a. Bank in a huam phak chin khuaa mi beneficiary te hnenah NLUP kalphung pangngai angin anmahni Bank Account kaltlanga \anpuina sum hi pek tur an ni ang.

NIB thuchhuak angin District tina DC hnenah District Level Bankers Committee Meeting kova, Bankers leh Line Department hotute nen \hukhawm in Bank in a huam phak loh khua te tihchian a, heng khua a beneficiary te sumfai a pawisa pek dan tur ruahmanna an siam anga. Hemi chungchangah hian DC tin hnenah instruction pek an ni tawh bawk a ni. Hei bakah hian NLUP lo kalpui tawh dan angin beneficiary zawng zawng ten an sum dawn dik taka hmang tura thutiamna (undertaking) siam a ngai a. Hnathawh dan tur Work Order leh Sanction Order a in ziak anga ti lo beneficiary ten 2nd installment an dawng thei dawnlo a ni.