Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Aizawl Traffic Jam Free Rally neih a ni

Inrinni khan Aizawl Traffic Jam Free Rally chu Mizoram Enfield Riders ten an nei a, Aizawl |huampui a\anga he Rally hi neiin Aizawl khawpui Veng hrang hrang an fangkual a, Transport Department Directorate Office-ah Aizawl Traffic Jam Free Rally kharna hun hman a ni.
NEDP hnuaia Transport Department buatsaih he Rally hi Aizawl Traffic a thawl theihna tura mipui hrilhhriatna hmanrua atana ruahman a ni a, Rally kharna hunah hian Aizawl Traffic Jam Free Rally Working Group Committee Chairman leh Home Addl Secretary, Lalbiakzama chuan driving rules hi mipuiin zawm \ha ila tun ai hian traffic jam hi a ziaawm ngei a beisei thu sawiin, Rear view mirror pawimawhna leh double overtaking hlauhawmna a tarlang a. Kawng kual laia motor dah khap a ni tih hre reng chunga dahlui an awm \hin thu a sawi bawk.
Aizawl-ah hian lirthei nuai 1.4 chuang a awm a, kum 2016 a\ang khan Co-ordination Committee on Traffic Management ten Traffic Management chungchang an lo ngaihtuah tawh \hin a, motor neitu ten an motor dahna tur Garage an nei vek tur tih thuchhuah siam a ni a, mi tam takin garage siam nan hma an la a, November 2017 khan Garage siamna huntiam a tawp ta a, December ni 1 a\angin kawng sira motor dah endik \hin a ni.

Comments

Chhiar Hlawhte