Latest News

Independence Day Football khelh chhunzawm zel a ni

Serchhip District Football Association buatsaih Independence Day Football Tournament chu nimin khan 2nd Division ten an khelh chhunzawm.
DC Playground, Khawtetlang-a nimin a inkhel hmasa berah Darnam FC chuan Dress Up FC chu si hnih faiin an hneh a, Darnam FC tan hian C. Lal\hakima leh Lalrozama te chuan goal an khung a ni. Inkhel vawihnihna ah P&E Veng FC in Chhiahtlang Chhim Veng FC chu 2-1 in an hneh a, P&E Veng FC tan hian Lianchampuia chuan goal hnih khungin Chhiahtlang FC goal awmchhun hi Jerome Hmangaihsanga khung a ni.
Inkhel vawithumna ah Bungpui FC, Hriang-tlang chuan FC Serchhip Kawnpui chu 3-1 in an hneh a, Bungpui FC tan hian Lalengliana, Lalmuansanga leh Huntharnghaka ten goal khungin FC Serchhip Kawnpui tan Hmangaih-sanga chuan goal khat a khung ve bawk a ni. 
Nimin a inkhel vawi li-na ah Chhiahtlang Kawn Veng FC hi AWC FC chu sithum faiin an hneh bawk a, Chhiahtlang Kawn Veng FC tan Lalzamlova leh Abija Lalrintlaka ten goal khat ve ve khungin AWC FC player, Vanlalhruaizela chuan an lamah goal khat a tilut bawk. Nimin a inkhel hnuhnung berah Hmar Veng FC leh New Serchhip North FC te inhmachhawnin Hmar Veng FC hian sikhat faiin hnehna an chang a, he inkhel a goal awmchhun hi Vanlalrinliana khung a ni.

Comments

Popular News (Last 30 Days)