Latest News

Oil khuahkhirhna siam

Tunhnaia ramri-a buaina thleng avanga POL Supply khaihlak thei dinhmuna kan din tawh avangin Serchhip District Bawrhsap chuan Serchhip District chhunga Filling Station ten POL pekchhuah dan khuahkhirhna a siam a. Hei hi Supply Department Director in Order alo siam tawh behchhana siam niin he ruahmanna aia tam hian POL hi pekchhuah tur ni lovin Bur-a dawh phal a ni lo bawk. Hei bakah hian Filling Station neitute chuan Petrol hi litre 2500 leh Diesel hi litre 4000 a awmin DCSO hnenah hriattir tur a ni bawk ang.

Serchhip-a Retailer pakhat bang

 Tunhnai khan Serchhip Vengchung-a FPS Dealer pakhat chuan Serchhip DCSO hnenah FPS Dealer a\anga chawlh dilna a thehlut.
Thudawn danin he lehkha thehluttu hi KC. Zodinthara niin DCSO hnena lehkha a thehluh ah hian DCSO in lehkha a tihchhuah angin July thla Ration buhfai chu buk tling ngeia a sem thu leh a sem daihloh thu tarlangin, amaherawh chu a daihlohna te chu ama sum-a lei-a pe leh mai tura a inngaih thu a tarlang a. Hetiang hi an nih takah chuan FPS Dealer hna chelh zui zel chu remchanga hre lovin chwlh mai a tum thu hi a thlen a ni.
DCSO hnena lehkha a thehluh ah hian July thlaa Buhfai a sem dan tlangpui pawh tar-langin buhfai quintal 123.22 lachhuakin chhung-kaw 10 te chu a daihloh thu a tarlang a, buhfai in a daihlohna hi Kg. 273 a nih thu pawh tarlangin, Kudam-a Patla lian-ah Kg. tlinglo, gram-a tehna a tel ve loh avangin a daihlohna hi a tam phah deuh nia a lan thu a tarlang bawk.
Tarlan tawh angin tunhnai khan Serchhip Sub-Hqrs. YMA chuan mipui ten Ration buhfai buk tling ngei an lak theihna tura hma lain Kudam a\anga Ration buhfai pekchhuah te pawh buk tling ngeia an lakchhuah theihna turin a pechhuak lai hi an enpui a. Retailer te pawh mipuite hnena buk tling ngei pe tura tiin hma an la a ni.

Comments

Chhiar Hlawhte