Tuesday, 24 July 2018

Serchhip-ah I-Day Football khelh tan a ni

Serchhip District Football Association buatsaih Independence Day Football Tournament, Screening Tournament ni bawk chu nimin khan Serchhip Khawtetlang Field-ah khelh \an a ni.

SDFA hnuaia 1st Division leh 2nd Division te tana buatsaih Independence Day Football Tournament hawnna hun ah hian Serchhip District Football Association President, Zomuana Hnamte chuan players te fuihna thu sawiin Football Tournament buatsaih te chu chhawr \angkai tum turin a chah a. Kumin a Independence Day Football Tournament chu Serchhip Sports Stadium-ah, Artificial Grass chungah khelh ngei tumin hma la mah se Sports Stadium-a hna thawktu ten an zawhfel hman loh avanga khelh theih ala nih loh thu sawiin, he Sports Stadium hi DFA kuta a awm theihna tura hma an lak thu leh Football Club hrang hrangte pawh \anrual a \ul thu a sawi bawk.
Kumin a Independence Day Football Tournament-ah hian 1st Division-a Team 8 te chu tel kim theiin heng Club 8 te hi an intumkual \heuh hnuah point hmu sang pahnih ten Final an khel anga, Point hmu hniam ber chu 2nd Division-ah an tla dawn thung a, point hmu hniam ber dawttu chuan 2nd Division-a champion nen 1st Division-a awm inchuhin Play-Off an khel ang.
2nd Division-ah Team 15 telin heng te hi Group 4-ah \hen an ni a, Group khat-a awm te hi an inkhelh kual vek hnuah a sang pahnih zel ten Quarter Final an lut thung anga, Quarter Final a\angin Knockout-a khelh zui a ni ang.
Nimin khan 2nd Division te inkhel in inkhel hmasa berah Chhiahtlang Kawn Veng FC in Hmar Veng FC chu 1-0 in an hneh a, inkhel dang ah New Serchhip North FC in AWC FC chu 5-0 a sawpin New Serchhip FC leh Dinthar FC te goal inpe lovin an inhnehtawk a, Field Veng FC chuan Leisekawt FC chu 4-2 in an hneh bawk.
Vawiin-a 1st Division Fixture :
9:30 New Serchhip FC Vs Hmar Veng FC
11:30 Chhim Veng FC Vs IOC FC
1:30 FCSK Vs Vengchung FC
3:30 P&E Veng FC Vs AWC FC

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP