MZU Southern Campus chungchang sawidun

Mizoram Chief Minister ruahmanna in nimin khan Mizoram Youth Commission Chairman, Joseph Lalhimpuia leh Mizoram University Vice Chancellor, Prof. K.R.S Sambasiva Rao te chuan MZU Southern Campus, Lunglei-a neih theih dan tur chungchang an sawi dun.

He hunah hian Prof. KRS Sambasiva Rao chuan Mizoram ah thla sarih (7) vel lek ala awm thu leh Chief Minister nena an inhmuh apianga Chief Minister in Southern Campus a ngaihpawimawh zia a sawi \hin avangin hun reilote chhung a awm chung pawh a Southern Mizoram University campus neih theih ngei tura hma a lak thu a sawi a. He campus-ah hian MZU a la awm ngailo Subject thar pahnih khat a\ang tala bul \an theih nise a duh thu Vice Chancellor hian sawiin, Ministry of Human Resource Development-ah dilna thehluh a nih tawh thu leh hei hi bawhzui mek a nih thu a sawi a, MZU-a a awm chhunga he Southern Campus hi din ngei a nih theih nan hma a lak zel tur thu a sawi bawk.

He hunah hian MYC Chairman, Joseph Lalhimpuia pawhin Mizoram sawrkar in a ngaih-pawimawh avanga MZU Southern campus nei tura theihtawp alo chhuah tawh thu sawiin, Lunglei NGO te pawh he Campus thar a awm theih nan hian an phur in, theihpatawp an lo chhuah tawh tih a sawi a. Hemi chungchang ah hian Ved Prakash, UGC Chairman pawh New Delhi-ah amah ngeiin a lo hmuh tawh thu sawiin, lehkha pawh a thehlut tawh tih a sawi a, amaherawh chu a beisei angin hlawhtlinna an la neih mai loh thu leh, hei hi tih hlawhtlin thuai a nih theih nan chak taka hma la tur in a sawm a ni. 

MYC Chairman chuan Vice Chancellor chak tak mai MZU in a nei chu lawmawm a tih thu sawiin a, hun reilote chhunga MZU leh Mizoram \halaite tan Project 37 vel lai Ministry-ah a thehlut tawh te chu lawmawm a tih thu a sawi bawk.