‘Delhi Dialogue-2018’ ah Chief Minister in Mizoram tana \ul leh mamawh te a thlen

Asia chhimchhak ram sawm (10) inthlunzawmna, Association of South East Asian Nations (ASEAN) te leh India aiawhte nena kumtin intawhkhawmna buatsaih \hin, Delhi Dialogue chu nimin leh niminpiah khan New Delhi-a The Oberoi Hotel-ah a vawi 10 na neih a ni a, he hunah hian Chief Minister, Lal Thanhawla pawh a tel a ni.
Delhi Dialogue-2018 ah hian Chief Minister, Lal Thanhawla chuan Mizoram leh India hmarchhak state ten hmasawnna chak zawk an neih theihna tura \ul leh mamawh a tih te thlenin, Act East Policy chu ASEAN ramte nena inkungkaihna siamin hmarchhak state te sum leh pai leh ei leh bar-a an dinhmun nasa taka a vawrhchhoh theih thu sawiin, hei hian a leilung hausakna te awmze neiin a hman \angkai tir thei a ni, a ti a. Chumi atan chuan ASEAN ramte nen tui leh khawmual-a inkalpawhna \ha tak neih a \ul thu sawiin, kumin Delhi Dialogue thupui 'Strengthening India- ASEAN Maritime Cooperation' nen pawh a inhmeh hle, a ti a ni.
Chief Minister chuan Ministry of External Affairs hmalakna in Act East Policy hnuaia Kaladan Multi Modal Transit Transport Project chu India hmarchhak-ah tluang taka hmalak mek zel a nih thu te, Mizoram sawkar chuan a thawh ve tur chinah 76% a zawh tawh thu leh, Lei dawh tur pariat (8) zinga pali (4) chu |hal a lo thlena thawk nghal thuai turin ruahmanna siam a nih thu te a sawi a. India leh Myanmar inrina tho Zokhawthar-a Land Customs Station chu a enkawltute thuam\hat kawngah sawrkar laipuiin chak zawka hma a lak pawimawh a tih thu pawh thlenin, helai hmun panna kawng zauh leh siam\hat hna hi World Bank in hna a la thawh mek thu a sawi a. Bangladesh nena Mizoram inrina lamah chuan Kawrpuichhuah Integrated Check Post (ICP) chu hawn ala nih loh thu leh Land Port Authority of India chuan chak zawka hmala tura a beisei thu te a sawi tel bawk. 
Kaladan Multi Modal Transit Transport Project hnuaiah hian Mizoram PWD chu KM 87.18-a thui Lawngtlai a\anga Zorinpui thleng kawng siam tur a ni a. KMMTT Project hi a vai chuan KM 893.18-a thui niin, Mizoram PWD khawih tur bawk te chu Zorinpui a\anga Kaletwa (KM 48.30), Kaletwa a\anga Paletwa (KM 60.70), Paletwa a\anga Sittwe (KM 158) leh Sittwe a\anga Kolkata Port Tui kawng (KM 539) te an ni. Tunah hian Guwahati kaltlanga Aizawl a\anga Kolkata kawng thui zawng hi KM 1489-a ni a, KMMTTP hian KM 421 in khawpui pahnih inkar hi a pawt tawi sawt dawn a ni. 

Popular posts from this blog

PAN CARD an tih teh fo hi - Laldinpuia