Building 3 sak \anna tur lungphum phum a ni

UD&PA Minister, Zodintluanga chuan nimin khan New Secretariat Complex huamchhungah sawrkar building thar pathum - Aizawl Convention Centre (ACC), Administrative Training Institute (ATI) Car Parking leh Multi-Level Car Parking (MLCP) sak hna \anna tur lungphum a phum.
Heng Building sak tur lungphum phumna puala inkhawm ah hian UD&PA Minister, Zodintluanga chuan building chi hrang pathum sak hna \an nan a ruala lung phumna neih a ni chu thil lawmawm tak a ni tih sawiin, "Mizoramin hma a sawn zel avangin Central leh India ram pawn lam a\ang te thleng pawhin khual \ha, mi pawimawh tak tak te leh Official pawimawh tak tak tlawhtu kan nei chho zut a. Thlenna chungchang ah harsatna kan tawh mai bakah VVIP te, VIP leh mi pawimawh te an \huihruai te nen Aizawl khawpui kawngpui lun takah an inzui chang hian mipuiin harsatna tam tak kan tawk \hin a. Sawrkar chuan mipui nawlpui khawsak phung ti buai lova kan khual\ha te leh anmahni zuitute zawng zawng dawl zo thlenna \ha leh Official Meeting neih theih nghal na tur hmun pakhat siam a duhna a rei tawh hle a. Chutiang ngaihtuahna a\ang chuan ACC leh New Secretariat MLCP te hi a lo piang a, sak zawh a nih hun chuan nasa takin kan \angkai pui dawn a ni," a ti.
Aizawl Convention Centre hi Special Plan Assistance (SPA) Scheme hnuaiah cheng nuai 2499.99 senga sak tur a ni a, chhawng 5-a sang tur a ni ang. ATI Car Parking hi New Economic Development Policy (NEDP) a\anga sum hmuh cheng nuai 140 hmanga sak tur niin chhawng thum (3) tura ruahman a ni a, Car 26, Two Wheeler 30 leh Bus 2 a leng thei tura ruahman a ni. New Secretariat Multi Level Car Parking hi Non-Lapsable Central Pool of Resources (NLCPR), Ministry of DoNER a\anga sum hmuh cheng nuai 3601 senga sak tur a ni bawk a. Chhawng 9-a sang tur niin Car 351 leh Two Wheeler 224 hun theih tura beisei a ni.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi