HIMNA-MADAT chungchang sawihona nei

Aizawl District Bawrhsap kaihhruaina hnuaiah nimin khan Project HIMNA-MADAT (Mizoram Against Drugs, Alcohol & Tobacco) chungchang sawihona neih a ni.

Nimin a Aizawl DC Conference Hall-a Meeting-ah hian HIMNA-MADAT chak zawka kalpui dan tur ruahmanna leh budget estimate thlirho a ni a. Ruahmanna hrang hrang awmin chungte chu- Project-in a huam School-ah HIMNA Club din te, mipui hnena zirtirna hmanrua ah poster leh sticker hman te, School hrang hrangah inhrilhhriatna atan Drawing, Essay leh Elocution Competition buatsaih te, zirtirtute leh zirlai nu leh pa inhmuhkhawmna neih te a ni.

He Project in a huam Aizawl District chhunga Upper Primary School 227-ah HIMNA-MADAT module zirtirtuten naupangte an zirtirtur thlirhona neih a ni a. Module pahnih awmin Level-I hi class 5 leh class 6 tan a ni a. Chhungkaw pawimawhna te, \hian \ha neih \hatna te, hriselna leh ruihhlo chungchang te module-ah hian a tel a. Level-II hi class 7 leh class 8 zirlaite tana duan niin zirlaite tana Drugs, zu leh vaihlo laka inven dan te, taksaa a thawh dan te, zirlaiten thuthlukna dik tak an siam theih dan te tarlan a ni. Project HIMNA-MADAT (Mizoram Against Drugs, Alcohol and Tobacco) hi New Economic Development Policy (NEDP) hnuaia Aizawl DC Pilot Project niin ruihtheih thil laka \halaite an fihlim theihna tura beihpui thlakna a ni.