Larsap in LADC hotute kawm

Mizoram Larsap, Kummanam Rajase-kharan-a’n Mizoram-a Autonomous District Council hotute a kawmna kal zelah nimin khan a tawpna ber atan Lai Autonomous District Council (LADC) hotute chu Raj Bhavan-ah a kawm.

LADC hotute a kawmna ah hian Larsap chuan India danpuiin mipuite harsatna sukiang turin thuneihna sang tak pek an nih thu sawiin, chung thuneihna te hmang chuan mi harsa berte dinhmun kan chawikan a ngai a ni, a ti.

Larsap chuan hnathawhna tur sum kan hmuh te chuan a tum ram a thleng pha tur a ni tih pawh sawiin, hmasawnna hna hmanga an harsatna sutkian dan an ruahman a pawimawh thu leh Council inrelbawlna mumal leh rualkhai taka mawhphurhna sem te, a hun taka report thehluh leh midangte ngaihdan lak te chu a pawimawh thu a sawi a, Council hruaitute chu an Council huamchhunga project thawh mekte chu neitu chanchanga a hmuna vil tur leh enfiah \hin tura chahin, kum kaltaa an sum lakluh tum an tlin avanga a lawmpui thu a sawi a, a aia tam an hmuh theih nana \ang zel turin a chah bawk. 

He Meeting-ah hian Council chhunga hnaruak hnawhkhah chungchang te, Lawngtlai Bypass Road te, Higher Secondary School leh College-a Science zirna awmlo te, bawlhhlawh sawngbawlna, Skill Development, Value Addition, Food Processing leh thildang pawimawh te an sawiho a. Ramri hrula khaw 10 chuangte chuan vawiin thlenga kawlphetha an la hmuh loh thu leh Myanmar a\anga raltlanten zirlai naupang te zirna a tih khaihlak thu te tarlan a ni. 

He hunah hian LADC CEM, T. Zakunga leh a thawhpuite chuan Larsap chu Lawngtlai Greater Water Supply Scheme hawn a nih thuai theih nan leh NEEPCO-in 635 MW Chhimtuipui Hydro Electric Power Plant siam a tum chu chak zawka hmalakpui turin an ngen bawk.