Wednesday, 25 July 2018

MPSC Chairman in ‘One-Time Registration leh Online Application’ hman theih turin a hawng

Mizoram Public Service Commission (MPSC) Chairman, Zosangliana Colney chuan nimin khan One-Time Registration leh Online Application chu Aizawl-a MPSC Mini-Examination Hall-ah a hawng.
One-Time Registration leh Online Application hawnna hunah hian MPSC Chairman chuan One-Time Registration leh Online Application thar neih nana ngaihtuahna sengtu leh hmalatu te chungah lawmthu a sawi a. Application thar chuan sum leh pai leh hun tam tak sen a ti tlem ang tih sawiin, India ram State tlemte zingah Online Application hmang thei zingah MPSC a awm chu ropui a tih thu a sawi a. Information Technology (IT) hmangin sawrkar office tih changtlung zel anih bakah, sawrkar Office dawr tura mipuite buatsaihna nena hmalak a nih chu lawmawm a tih thu a sawi bawk.
MPSC Chairman chuan he huna hawn tak Application thar chu mipui lam tan liau liau a nih thu leh, MPSC Office-a Assistant hna dil nan hman a ni nghal dawn tih a sawi a. Smartphone emaw, Computer a\anga Internet hman tur neilo leh hmang thiamlo tan MPSC Office-ah Help Desk dah a ni bawk a nih tur thu a sawi a. He ruahmanna hi hna diltu te tan awlsamna zawk nih mah se a thawktu te tan chuan buaipui tur a la tam tho avangin kut ruala thawh a la ngai nasa dawn tih sawiin, Technology hmanga hmasawnna um zel a nih chuan MPSC Office-a hnathawktu te indaihlohna a nasat dawn thu leh hna diltute pawhin hmangchang hriaa Common Service Centre te pawh hmang \angkai se a duh thu a sawi bawk.
One-Time Registration leh Online Application hi e-Bharat hnuaia hmalakna chi hrang hrang zinga pakhat a ni a. Funding Agency hi Ministry of Electronics & IT Department, Govt. of India niin, Implementing Agency hi Mizoram State e-Governance Society a ni. Project Cost hi cheng vbc. 10.81 niin, Technical Consultant atan cheng nuai 31.8 leh System Integrator atan cheng nuai 1015.85 dah a ni.
Nimin a he hun hman hi MPSC Secretary, Lalzirmawia Chhangte chuan a kaihruai a, Deputy Secretary-cum-Nodal Officer, K.Rosiamliana chuan lawmthu sawiin, Media chu One-Time Registration leh Online Application thehdarh kawngah hmanrua pawimawh tak niin, \hahnem lo ngai turin a ngen bawk.
MPSC hi Kum 1991 din a ni a, hnathawk nghet hi 60 vel niin, MR leh contract zawng zawng nen chuan 120 vel an ni a. Kum 2017-2018 chhungin Direct Recruitment awmzat chu 779 a ni.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018