Cement leh Rod zuar te naktuk-ah inkhar tum

Zonuna Kawlni /
All Mizoram Cement & Iron Rod Dealers Association (AMCIRDA) chuan naktuk, July 11, 2018 khian Mizoram puma Cement leh Rod zuar zawng zawng ten an dawr an khar dawn tih an sawi.
All Mizoram Cement & Iron Rod Dealers Association (AMCIRDA) hian nimin khan thuchhuah siamin Cement Company- Dalmia, Star leh Topcem ten an rate Mizoram chauh a an tihsan tihniam leh tura an ngenna ngaipawimawh lova an rate tun thlenga an la tihhniam loh avanga lungawiloh lantir nan Mizoram puma Cement leh Rod zuar zawng zawng ten an dawr an khar dawn tih an sawi a. July 4, 2018 khan thuthar thehdarhtute kawmin heng Cement Company pathum (3) Dalmia, Star leh Topcem ten June 27-a Mizoram-ah chuah an rate an ti sang chu ngaithiam lovin June 30 khan ti to lo turin ngenna a lo thlen tawh tih an sawi a. Amaherawh chu tun thleng hian an rate tihniam tur hian hmalakna engmah an nei lova, company te kar nana an Godown an kalh sak pawh an kalhna chhuchhiain an Consignment and Forwarding Agent (C&F) te hmangin mipuite hnenah rate to a hralh chhuak turin hma an la chhunzawm zel zawk chu an hrethiam lovin Mizo mipui te hmakhua an ngaihsak lohzia a langchiang hle ah an ngai tih an sawi a.
Rate tisang company 2/3 an awm hian company dang zawng zawng hian an tisang zui ve vek \hin nia sawiin, chuvang chuan tuna ti to te hian an tihniam leh anih loh chuan Mizoram-a cement company lo lut zawng zawng hian ti to ve turin an in kau reng tih an sawi a. Cement Company-te kalphungah chuan Fur (Off-Season) lai hian an rate tihniam in |hal (Season)-ah hian an tisang leh \hin nia sawi bawkin, kumin Fur (Off-Season) laia rate tihniam lova an ti sang zawk hian |hal (season) lo awm leh turah an rate hi a sang lehzual hle tura ngaih a ni tih an tarlang a. Heng zawng zawng te ngaihtuah hian AMCIRDA chuan Mizo mipui ten Cement tlawm zawka an lei theih nan te, Cement Company te rate tihniam tura nawr nan leh an lungawiloh zia lantir nan naktuk Nilaini hian Mizoram puma Cement leh Rod dawr zawng zawng khar an rel ta tih an sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »