Thla 3 chhungin chhiah vbc 132.80 hmu tawh; 2018-19 chhungin GST-ah vbc. 59.40 hmuh beisei

Taxation Department chuan sawrkar kum kalmek 2018-2019 (April-June) chhungin chhiah Rs. 1,32,80,13,434/- a hmu tawh a, hemi hunchhung vek a GST a\anga chhiah hmuh chu Rs. 95,67,84,053/- a tling a, kum 2018-19 chhunga Mizoram in GST atanga sum a hmuh beisei zat chu vbc. 59.40 a ni.

Taxation Department in kum kalta 2017-18 chhung khan chhiah a hmuh zawng zawng chu Rs. 4,24,92,25,202/- a tling a, chhiah hmuhna tam ber chu Sales Tax a\angin niin Rs. 2,41,45,69,272/- hmuh a ni a, Profession Tax-ah Rs. 14,93,65,124/- hmuh a ni a, GST-ah Rs. 34,26,36,486/- hmuh niin, Entertainment Tax-ah Rs. 39,51,172/- leh Entry Tax-ah Rs. 2,36,19,683/- hmuh a ni bawk. Kumin kum kal mek 2018-19, April - June chhunga Taxation department in chhiah a hmuh tawh zawng zawng chu Rs. 1,32,80,13,434/- a ni a, kumin 2018-19 a Taxation department chhiah hmuh beisei zat chu Vbc. 483.34 a ni a. Kumin thla thum chhungin GST ah Rs. 95,67,84,053/- hmuh tawh niin, Profession Tax-ah Rs. 1,79,06,470/- hmuh tawh a ni a, Sales Tax ah Rs. 35,30,44,985/- leh Entry Tax ah Rs. 1,86,805/-, Entertainment Tax-ah Rs. 76,500, Registration & Liscence Tax-ah Rs. 14,620/- hmuh tawh a ni. Nikum July thla a\anga kalpui \an GST-ah kumin 2018-19 chhunga sum hmuh beisei zat chu cheng vbc. 59.40 a ni a, GST-ah hian MLPC Act hmanga zu chhiah lakte leh POL (tuialhthei) a\anga chhiah lakte erawh a tel lo thung.

Kum 2018-19 budget-a Mizoram state sawrkar bikin sum a hmuh chhuah ve tura beisei (State Own Revenue) chu State Own Tax Revenue-ah cheng vbc. 483.34 leh State Own Non-Tax Revenue-ah vbc. 323.85 a ni a, a vaiin vbc. 807.19 niin, kum hmasa nena khaikhinin 16.2%-in a pung tura ruahman a ni a. Kum 2018-19 chhunga Mizoram pawisa hmanral tura chhut cheng vbc 9672.64 a\ang chuan State kum khat thawhchhuah tur hi 8.35% vel chauh a ni.

Hetihlai hian Mizoram sawrkar hnuaia Department hrang hrang zinga State tana thawh-chhuah ngah ber chu Taxation Department an ni a. Kum 2018-19 hian State's Own Tax Revenue leh State Own Non-Tax Revenue a\anga thawh-chhuah tur a\angin Taxation Department hian 46.54% target an nei niin a lang bawk.