Latest News

Mizoram-ah hri kai hmuhchhuah belh zel an ni

Inrinni khan Mizoram-ah Sample 3866 enfiah niin hri kai 345 hmuh a ni a, Inrinni-a hri kai hmuhchhuah thar tarlan zingah hian a hma lama Lawngtlai District chhung Karlui-I a hri kai lo hmuhchhuah tawh mi 147 zet chu ziahluh thar an nih avangin hri kai hmuhchhuah hi a tam phah niin a lang.

PRISM in Data dik siama nei turin sawrkar an duh

PRISM Party chuan Data dik siama nei turin sawrkar an duh tak zet tawh tih sawiin, an sawrkar hunah chuan ‘Data Bank’ dinin Data dik leh rintlak in\awm an siam dawn tih an sawi bawk.
Nimin a thuchhuah an siamah PRISM Party chuan Rajya Sabha \hutkhawmah Mizo-ram chu loneitute thawhhlawk viauna anga tarlan niin loneituten thla khatah chawhrualin Rs. 9,099/- an thawkchhuak nia sawi a ni tih an tarlang a. Hemi dik lohzia hi chu inhrilh ngai lova mitinin kan hriat sa a ni tih tarlangin, Sawrkar Data-a innghat zirchianna ah Mizoram dinhmun a \ha viau zel a, chutih laiin tih tak zeta Private Firm ten an zirchiannaah kan dinhmun a chhe viau zel a. Sawrkar Data a\ang hian Central a\anga \anpuina leh chhawmdawlna kan hmuh tur hi chhut \hin anih si avangin midang buma inngaia Data diklo kan siam hi keimahni leh keimahni inbumna zawk a ni, an ti.
Hmasawnna tur ruahmanna ropui tak tak siama kan hlawhchham pui leh \hin chhan bulpui ber pawh Data dik kan nei loh vang nia sawiin PRISM chuan, “Kan dinhmun dik tak hriata puanchhuah zawk hi kan hmalam hun atana kan \hatna tur a ni,” an ti a. “Sawrkar hming-\hat tum luat avanga Data diklo tak hmanga lan mawi tumna hi bansan a hun a, Data diklo kan neih \hin avang hian keimahni leh keimahni kan inbum a, kan nihna dik tak nena lanchhuah ngam a hun tawh a ni,” an ti bawk.

Comments

Chhiar Hlawhte

Serchhip District-ah COVID-19 Vaccine pe leh dawn