Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

PRISM in CM ban an phut

PRISM Party chuan Chief Minister, Lal Than-hawla aiawh ang deuha a monu in Interview a la \hin chu Dan kalh nia sawiin, hetianga Public Office tihbawrhban anih avang hian Lal Thanhawla chu Chief Minister a\anga bang ngei tura an ngaih thu an sawi.
Nimin a thuchhuah an siamah PRISM Party chuan Chief Minister monu, Rosie Chalro-tluangi, sawrkara engmah nihna nei lo chuan hun rei deuh tawh a\ang khan Chief Minister Office bulah interview la \hinin hmutu pawh a ngah hle \hin tih an tarlang a. He thil hi thil fello leh diklo tak, Dan kalh nia sawiin, “Kan rama Office pawi-mawh ber tihbawrhban a ni hi PRISM Party chuan \ha kan tih loh mai bakah Dan kalh, thil diklo leh Dan bawhchhiatna nasa tak tak awm chhan ni ngeiah kan ngai a. Ram pawi nasa zawk khawih anih hmain tihtawp nghal kan duh a. Hetianga Chief Minister Office leh thuneihna tihbawrhban anih avang hian Chief Minister Lal Thanhawla hian Chief Minister a nihna a\anga ban nachang a hriat kan duh a ni,” an ti.

Comments

Chhiar Hlawhte