Saturday, 21 July 2018

Hlawh pek thuai duh

PRISM Party chuan tunah hian Mizoram sawrkar hnuaia thawk zingah hlawh la thei lo an tam hle nia sawiin, Vote zawn nana sum leh hna tenau sem ai hian sawrkar hian thawktu hlawh pe hmasa se an duh thu an sawi.
Nimin a thuchhuah an siamah PRISM Party chuan tunah hian Mizoram sawrkar hnuaia thawk zingah hlawh la thei lo an tam hle nia sawiin, SSA leh RMSA-a thawkte phei chuan kumin (2018-2019)-ah hlawh la la lovin thawktute pawh an mangang tawh hle tih an tarlang a. Lumpsum Aided Higher Secondary School pakua (9) pawh khar mek a nih thu tarlangin, “Kan sawrkar hi a hnathawk te hlawh pe tura \an lak nachang hre turin kan duh a. Hetianga thawktu te hlawh pawh pek theih anih loh laia vote zawn nana sum sem a, hmasawn nana mamawh pawh ni lo, hna tenau te te siama party mi te duhsak nana hmang a, chu mai pawh ni lova party dang mi te thlem nana mipui (sawrkar) sum an hmang char char si hi a \halo kan ti tak zet a ni,” an ti a. “Hmasawnna hna dang thawhna aia vote an zawng anih pawhin thawktu te hlawh ai kher hi chu hmang lo se. Hlawh la theilo te harsatna hi ngaihsakin a theih dan danin hlawh pe se kan duh tak zet a ni,” an ti bawk.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP