Badminton inelna \an a ni

Serchhip District Badminton Association buatsaih Serchhip Open-2018 (MBA Ranking Tournament) chu nimin khan Serchhip Indoor Stadium-ah khelh \an a ni.
Tunkar Zirtawpni thleng awh tura ruahman Serchhip Open-2018 (MBA Ranking Tournament) hi Serchhip District Addl. DC, Chuauhnuna chuan khuallian nia hawngin hetiang inelna liantham Serchhip-a buatsaih a ni leh thei ta chu lawmawm a tih thu a sawi a, Mizoram hmun hrang hrang a\anga Badminton thiam lo kalkhawmte chu hlawk taka he Tournament hi hmang tura a duh thu a sawi bawk.
Serchhip Open Badminton Tournament Organising Committee Chairman, R. Laldin-sanga kaihhruai he hunah hian Serchhip District Badminton Association President,, John Zorammawia chuan inlawmna thu sawiin, Organising Committee Secretary, R. Vanlalhruaia chuan Report a pe a, Report a\anga a lan danin tun \um Tournament-ah hian Category 9, Single-ah 3 leh Double-ah 6 a awm dawn a. Singles Category te hi Mens, Womens leh Kum 35 chin chunglam te inelna tur niin Doubles te hi Mens, Womens, Mixed leh Serchhip District Badminton Association Member te tan bik leh kum 45 chin chunglam te inelna tur a ni a, Singles khel tur hian mi 55 inziaklutin Doubles khel tur hian Pair 75 an inziaklut a, match 120 vel khelh tura ruahman a ni.

Comments

Popular posts from this blog

PAN CARD an tih teh fo hi - Laldinpuia