Serchhip District Bawrhsap hnenah ‘Serchhip District ODF Certificate’ hlan a ni

Sawrkar laipuiin Serchhip District chu pawnler-a inthiar awm tawh lohna, Open Defecation Free (ODF)-a pawmna Certificate a hlan chu nimin khan PHE Department-in District Bawrhsap, Sangchhin Chinzah hnenah an hlan a, he hunah hian Swachh Bharat Mission (Gramin) hnuaia District chhunga hmalak tawhna leh hmachhawp te sawiho a ni.

Serchhip District Bawrhsap Pisa-a he Certificate hlanna hun buatsaih hi District Bawrhsap leh SBM (G), Serchhip District Chairman ni bawk, Sangchhin Chinzah chuan kaihruaiin, Serchhip District-in faina kawnga hma a sawnna ah sawrkar lam a\anga thawktute, khawtlang hruaitute leh tlawmngai pawl te hmalakna ah lawmthu sawiin, faina kawnga nasa lehzuala hmala chhunzawm zel turin a sawm nghal a. Kumin ah Mizoram khawpui hrang hrangte faina kawnga inelna neih a nih leh dawn thu pawh sawiin, he hunah hian nikum lam aia dinhmun sang zawk kan luah ngei theihna tura theihtawp chhuah turin he huna tel te leh mipuite chu a sawm bawk a ni.

He hunah hian Er. F.Lalsanglura, Sr. EE, PHED, Serchhip WATSAN Division leh SBM (G) Member Secretary ni bawk pawhin Serchhip District chu Mizorama District dang zingah hma la chak te zinga mi a nih thu sawiin, District chhung khua zawng zawngah vantlang bawlhhlawh bawm sem chhuah a nih tawh thu a sawi a, bawlhhlawh paihna hmun pawh khaw 8-ah sak zawh tawh a ni tih a sawi a, Swachh Bharat Kosh (SBK) hnuaia District chhunga ek In 1346 siam\hat tura ruahmanna pawh thawh zawh tawh a nih thu leh hemi atana sum lo kal pawh pelhe awm lovin a dawng turten an dawngkim nia a hriat thu a sawi a, Central a\anga hnathawh endik tura lokal te pawhin an hnathawh chu tha an tih thu a sawi bawk.

He hunah hian Samuel Lallawmzuala, District Co-ordinator, SBM (G) hnen a\angin report ngaihthlak a ni a, report a\anga a lan danin, SBM (G) hnuaiah thingtlang khua 35 a awm a, heng khaw hrang hranga ek In nei lo 422 te chu ek In (Sanitary Complex) sak zawhsak an nih hnuah SBK hnuaiah ek In (Sanitary Toilet) 1346 chu siam\hat zawhfel a ni tawh a, June ni 29, 2017 khan District chu khawlaia inthiar awm lohna (ODF)-ah puan a ni tawh a, khaw 8-ah Solid Liquid Waste Resources (SLWR) hnuaiah bawlhhlawh paihna sak zawh tawh a ni a, bawlhhlawh paihna hi khaw 23-a sak leh turin ruahman mek a ni a. Vantlang inthiarna (Sanitary Complex) pawh khaw 12-a dah turin ruahman niin, faina leh thianghlimna kawnga hmasawn zel theihna tur leh District ODF a nih tawh chhawm nun zel a nih theihna tur atan hmun hrang hrangah Awareness Campaign neih reng a ni bawk.

Tunah hian Central sawrkar ruahmanna in Water & Sanitation Committee (WATSAN Committee) chu khawtin ah din thar mek a ni a, he Committee hian an pawl hmingin Bank Account an hawng anga, an khaw tana hnathawhna tur sum pawh Direct Benefits Transfer (DBT) hmangin an Account-ah thun zel a ni ang.

He hunah hian Sawrkar Department hrang hrang hotute, tlawmngai pawl hruai-tute an tel a ni.