Latest News

I-Day hman dan tur rel

Thla thar August 15-a India Independence Day lo thleng tur Serchhip-a lawm dan tur ngaih-tuahin nimin khan Serchhip District Bawrhsap hovin khawtlang mi pawimawh te chu an \hukhawm.
Serchhip DC’s Meeting Room-ah he \hut-khawm ah hian Bawrhsap, Sangchhin Chinzah chuan Independence Day hman dan tur chu zalenna hlut zia leh zalenna zara kan hmasawnna tam tawh zia rilrua hre reng chunga phur taka rel chi a nih thu a sawi a. Kumtina kan tih \hin a nih vanga thil pangngai ang leka ngaih atan chuan thil uiawm lutuk a nih thu a sawi bawk.
He Meeting hian kumin a India Independence Day chu Serchhip-ah pawh DC’s Playground, Khawtetlang-ah hman nise an ti a, zing Ni chhuah hlimah sawrkar leh mimal building remchangah te Hnam puanzar zar a ni anga, he ni puala thilpek chi hrang hrangte Serchhip Town chhunga damdawi In leh Home-ah te sem a nih hnuah chawhma dar 11:00-ah a lawmna pui ber neih tan tur a ni ang. He hunah hian Parade Contingent 15 leh Pipe Band te parade tura ruahmanna siam niin, Assam Rifle a\angin Cultural Programme hmuhnawm tak beisei a ni bawk a. Playground a hun hman zawh a nih hnuah DC Bungalow-ah sawm bikte tan ‘At Home Tea Party’ buatsaih zui a ni bawk ang.
He ni hlawhtling taka hman a nih theih nan hian Department hrang hrangte chu an hna chanpual tur ruat niin, sum leh pai senso tur pawh kumdang aia \hahnem deuh zawk Department hrang hrangte hian an thawh dawn a, Independence Day Football Tournament pawh Serchhip District Football Association te kaih-hruaina hnuaiah khelh \an a ni tawh bawk.

Comments

Popular News (Last 30 Days)