Serchhip Damdawi In sakna tur sum FFC-ah dil mek a ni

Health Minister, Lal Thanzara chuan Khum 100 awmna tur Serchhip District Hospital sakna tur sum chu 15th Finance Commission-ah dil mek a nih thu leh hmuh ngei beisei a nih thu a sawi.
Health Minister, Lal Thanzara hian Zirtawpni kaltaa Mizoram sawrkar-a Health Department, Public Health Foundation of India leh National Health Mission \angkawp ten Ministry of DoNER sum hmanga Cancer leh Non-Communicable Diseases inzirtirna leh zawnchhuahna hun Serchhip Auditorium-a an buatsaih a hmanpuina ah he thu hi sawiin, khum 100 awm theihna tura Serchhip District Hospital sakna tur sum hi Ministry of DoNER-ah cheng vbc. 20 dil a nih thu leh phalsak an nih hnuah harsatna a awm leh avangin NEC-ah sum hi dil leh a nih thu a sawi a, NEC-a sum dil h a remloh hnuah Fifteen Finance Commission-ah Serchhip District Hospital sakna tur sum hi dil leh a nih thu leh a hlawhtlin ngei an beisei thu a sawi a. Fifteen Finance Commission-a ansum dil hi engemaw avanga a hlawhchham ta hlauh a nih pawhin Serchhip chu Chief Minister bial a nih avangin sawrkar in NEDP a kalpui mek a\angin damdawi In building thar sak bul\anna tur sum chu hmuh beisei a nih thu a sawi bawk.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi