Ration buhfai leh eirawngbawlna Gas buk tling ngeia mipui ten an dawn theih nan YMA in hma la zel

Serchhip Sub-Hqrs. YMA chuan mipui ten buk dik taka Ration buhfai an lak theihna tur atan hma la chhunzawm zelin Eirawngbawlna Gas pawh a semna hmunah buk a nih ngei theihna turin hma an la chhunzawm.
Serchhip Sub-Hqrs. YMA hian mipui ten Ration buhfai leina atana pawisa an pek hu tawk ngei buhfai an lak theihna tura hma an lakna kal mek chu chhunzawm zelin nimin khan Serchhip Suply Kudam a\anga Retailer hnena Ration buhfai pekchhuah chu an enpui leh a. Serchhip Kudam a Weighbridge chu hman theih ala nih loh avangin Ration buhfai hi Bukna pangngai hmanga buk leh niin hei hi Sub-Hqrs. YMA hruaitute hian an enpui a, buhfai lachhuaktu Retailer te chu buhfai buk danah lungawilohna an neih leh neihloh te pawh zawtin, buk tling ngeia Ration buhfai hi an lakchhuah theihna tura hma an lakpui angin mipuite hnena an semchhuah lehna ah pawh a buk tling ngeia semchhuak turin an ngen a. Serchhip khawpui chhunga YMA Branch hrang hrangte pawh an huamchhunga Retailer ten Ration buhfai an pekchhuah chu lo enpui tur leh mipui ten a buk tling ngei an lak theihna tura hma la turin an hriattir bawk a. Kar hmasa lama Ration buhfai lachhuaktu \henkhat te chuan mipuite hnenah Ration buhfai hi semchhuak leh tawhin, a hma lama cut awm \hin chu a awm tawhloh thu an sawi bawk.
Hetilai hian Serchhip Sub-Hqrs. YMA hruaitute hian mipui ten eirawngbawlna Gas buk tling ngei an lak theihna tura hma an lakna kal zelah nimin khan MIZOFED Serchhip Branch-a thawktute chu an kawm a. He hunah hian Serchhip Sub-Hqrs. YMA hruaitute chuan tunhnaia YMA Sub-Hqrs. Serchhip in Supply Department, Legal Metrology Inspector leh MIZOFED-a thawktute an kawm \umah eirawngbawlna Gas chu a semna hmunah bukna chhawp tur a nih thu leh a semtute hian an buk tur zawk a ni tih MIZOFED hotu ten an sawi laiin, tunhnaia Gas semna hmun pahnih ah Gas semtute hian bukna hi an kenloh thu leh hmun pakhat ah phei chuan bukna a chhiat avang leh lei mai tur a awmloh avanga buk loha sem a nih thu sawiin, hei hi \halo an tih thu an sawi a. Hetiang hi a thlen tawhlohna tura Gas semtute hi lo hrilh turin MIZOFED-a thawktute chu an ngen bawk a. Mipuite pawh buk tling ngei eirawngbawlna Gas an lak theih nana an Gas lak tur buk ngei tura ngenin, buk tlinglo a awm a nih chuan a man pangngai a\angin a tlinlohna zat hi paiha man tlawm zawka lak tur a ni tih hre turin an chah bawk.

Popular posts from this blog

PAN CARD an tih teh fo hi - Laldinpuia